新南苑

四月份得兩個好友生日，今日其中一個飯局！

又去新南苑，今次得三個人，冇房坐，即刻覺得好大陣麻辣味！令人呼吸有點困難，刺激到我都有D咳！可能太多人係剛剛到，一開始就食雞煲，同一時間可能多張枱食大辣，所以陣味咁勁！過咗一陣就冇乜嘢，可能適應左！

我哋都係食雞煲先，不過就食少辣，都幾鍾意食佢哋個雞煲，D雞肉唔會太少，辣度又啱啱好！我哋叫咗兩煲雞煲，然後先至打邊爐，諗住雞煲食飽D，食少啲打邊爐嘅嘢食，因為主要都係想食海鮮，因為每台都係得一份，食完想加就要加錢，除咗蝦係唔使加錢！其他配料都唔想食咁多，不過都食得好飽！

席間壽星女話辭咗工，因為覺得好大壓力，平時見佢冇乜嘢，以為佢都做得幾開心，不過佢話壓力越來越大，仲話佢老細講明會辭職，所以趁佢老細比辭職之前，佢就走先，而家佢見咗兩份工，都仲未揀到究竟做邊份，等佢再考慮下先決定，希望佢揀到份啱㗎啦，最緊要係做得開心啫！