復仇者聯盟3 - 無限之戰 4DX Avengers - Infinity war

Asgard 被毁滅，雷神和弟弟 Loki 被 Thanos 逮住，目前的是要取得寶石，放在他手上的手套，只要他取得六顆寶石，他便可以輕易毁滅星球！雖然變形俠醫聯手都無法打敗 Thanos！變形俠醫返回地球後，將情況告訴奇異博士，一起尋找復仇者聯盟協助，此時，Thanos 派了他的手下到地球找奇異博士，希望能取得他的時間寶石，奇異博士、Ironman 、蜘蛛俠與 Thanos 的手下在太空船內打鬥，而太空船正前往 Titan，與此同時，變形俠醫聯絡了美國隊長⋯⋯！

期待已久的這部電影，是 Marvel 十周年作品，大家都充滿期待，所以買飛的情況非常緊張，我們早了10多天購買，仍未能買到中間位置！因為4DX關係，座椅嘅搖動都非常頻密，只有好少時間係靜落嚟！我都驚飲品會倒瀉！套戲差不多3小時，都唔覺得佢有咁長，始終人物角色好多，逐個出場都有排做！套戲一如預期，都幾好睇，係個結局要留待下集分曉！

榴槤團

去完旅行，約咗好友食飯，順便攞埋手信比佢哋，簡簡單單食個小菜，然後一齊去咗油麻地果欄，目的只有一個，就係買榴槤！

我哋揀咗一個青尼同埋一個寶石球，個青尼有成10磅重，不過我哋有四個人， 10磅絕對食得晒，至於個寶石球就比較細啲，不過都有五磅重，買完榴槤我哋去返好友屋企食，個寶石球都幾甜，青尼味道都唔錯不過就唔係預期咁樣，平均每人都食咗大概六舊榴槤肉，近幾年都食唔到幾多好食嘅榴槤，今次呢兩個都算好好，我哋就約定下次再一齊食！

2018年4月東京迪士尼樂園35週年之旅 Day 6 - 東京最新熱賣手信

歡樂時光過得特別，又係時候講拜拜！

話咁快第六日，雖然話18:10機，早兩個鐘到機場，預個半鐘火車程，其實兩㸃零要走，太早又冇地方去，十點Check out 後又得四個鐘，唔去得遠，就去東京站買手信！最近最火熱最熱賣的手信，莫過於三大品牌芝士餅/曲奇！

1) New York City sand (N.Y.C sand)

店子位於東京駅，近八重洲出口的大丸百貨內，在火車站出閘那一層，基本上行去大丸賣手信果邊已經見到門外的人龍，人龍分左三段，第一段是 counter內，第二段 counter 外的行人通道，第三段在大丸門外，每段都有職員看守及派產品資料，這店沒有限制購買數量，產品有三款加一款期間限定，共四款，第一款是基本的 Caramel 軟心曲奇，有六款包裝，最小的是四個裝，像一本書的包裝，細細盒送禮都ok，仲有另一款係 scotch 杏仁焦糖曲奇，第三款是朱古力焦糖曲奇，這款會有乾冰給你，問店員是否要冷藏但她聽不懂，佢有中英文貓紙，不過貓紙同時寫住要冷藏和不需冷藏，不過我覺得可以不冷藏，因為冷藏後焦糖的芯很硬，如果不冷藏，外面層朱古力會有點溶，所以，如果氣溫低D可以唔使冷藏！朱古力味道唔錯，唔太甜，餅乾唔會因爲雪過變冧！好食！

2) NEWYORK Perfect cheese

呢間位於東京駅內，近丸の內南口，在閘內，未出閘之前或者轉車果陣要買，呢間都有三款，一款係佢地店最多人買的芝士餅，仲有焦糖流心蛋糕，同埋一款蛋卷，我只買芝士餅，因為最多人買，而且個樣幾吸引，呢間都係冇限制買幾多盒，所以好早就賣晒，基本上，早上才買到，過左中午好快冇晒！呢款餅入面有一條長方形芝士，同埋有小小好似忌廉咁，好好味！亦都係我買最多嘅一款！

2) Press butter sand

店子在東京駅內，就在 NEWYORK Perfect cheese 對面，呢間係唯一限制每人最多買五盒的，其餘兩間都冇限制，而且得呢一間有即場做，隔住玻璃見到有幾個女仔整緊餅，不過佢哋可能好新，製作過程有點論盡，明顯係冇經驗！你可以買一件試下好唔好食先，我就買咗一件試，佢外層都幾硬，但係裡面係軟心芝士咁，都幾特別，味道就不過不失，唔算特別好食，而且呢個保質期比較短，大概10日內要食，前面果兩個牌子就可以放三四個禮拜！

買完手信，就上去大丸食個午餐，在日本去過幾間大丸食飯，都覺得佢D食店唔錯，臨走之前想食多餐壽司，見到佢只有一間すし鉄，就入去試下，雖然午餐時間但係唔多人，佢有午餐set，不過我散叫，起碼可以食到自己想食嘅嘢，我叫左大拖羅、赤貝、熟牡丹蝦、海膽軍艦、金目鯛等，質素都唔錯，當然要encore啦！好味！

食飽左就要搭車返新宿，返酒店攞返行李，再將所有手信塞晒入行李箱，然後走去搭火車去機場，在火車站有撞到朋友，平時在香港都見唔到，竟然在日本就碰見！

2018年4月東京迪士尼樂園35週年之旅 Day 5 - 築地、上野、田原町、Skytree

今朝早小小起身去築地，今日去場內市場食，近幾次都冇去場內，次次都係場外巿場，尋日睇新聞見豊州準備得七七八八，搬去日期不遠了，好似話場內市場搬，場外市場唔搬，唔知係咪，anyway 去場內睇下，望左幾間壽司店，見到平日超多人的壽司大，今日唔太多人，以我所見佢門口放左十三張櫈，然後人龍在外面排，我估計門口十三張櫈等於一轉人數，見剛剛放一轉人在門口坐，人龍只有幾個人，應該等兩轉就有得食，一直想試好耐，難得咁少人，又去排下先，排左15鐘已經可以去門口坐低等，因為前面係兩位，三位，通常一位可以攝到位，店門13張櫈坐左12人，剩返一個，就會比好似我得一位果D先，平時呢D壽司一般40分鐘左右開始有人走，依家啱啱入左轉，而我又坐左入門口等候區，即係下一 round 就入得，即係一個鐘內，如果排人龍頭13個就等兩轉，第14個開始要等三轉，所以店員在人龍向人講要等兩小時！坐住等，點都好過企，人龍要暴曬，不過店員都好細心，預備左遮比人，我坐最後個位，D人唔知條人龍在出面排，好多時企我後面排，我都話佢地知，人龍在外面！

坐左45分鐘可以入坐了，大家心情都好興奮！店內只有13個位，由於地方淺窄，所有大D既包包要放上行李架，我放左背囊上去，店長很友善，又會問人客從哪裡來，用返佢地語言打招呼！我旁邊有台灣人同日本人，佢講國語又講廣東話！ omakase 有9件壽司＋1款小卷，每款壽司都會講一次係乜野魚，佢用廣東話講，所以好清楚食左乜，有大拖羅、玉子、左口魚、金目鯛、池魚、海膽軍艦、拖羅、蝦、牙帶魚、海鰻，拖羅小卷，每款壽司都好新鮮，好好味，難怪經常排長龍，店長同日本人傾計傾得好開心，氣氛很好！店員亦好細心，比壽司大家時，亦會跟返人客嘅入座先後次序去派，除左壽司亦有一碗麵豉湯，味道適中不會咸！店長話送多件壽司，叫我地揀，我揀左赤貝，另外加左一件大拖羅，好正！

食完壽司行去埸外巿場睇下，好快就走，去築地站，坐日比谷線去八丁堀，諗住轉車去東京站，轉車果陣去一去洗手間，先發現漏左背囊在壽司大！即刻返轉頭攞，好彩係日本！店員幫我keep 起左，去到壽司大果陣，冇人排隊！！只有門口等候區13個！見佢地應該啱啱坐低，如果依家到的話都要等兩轉！

又繼續行程，又撘一個站去返八丁堀，然後搭一個站去東京，去買左 Press butter sand 曲奇，最多只可以買5盒，對面 NY Perfect cheese 又賣晒！一點已經賣晒，係咪可以收工呢？買完撘車去上野轉車去田原町，第一次在上野轉車，要出閘，行左出街，見到 アメヤ横町，之前睇電視介紹過，又行下，呢度舊舊地，全露天，有D似原宿，但係老餅D，遊客都多，所以好多野食，我行左個圈，見到有間松阪屋，在日本都少見，以前香港都有，入去望下，舊！見佢做緊北海道節，睇下有冇馬油買比亞媽，冇！

繼續撘車去田原町，兩個站就到，車站已經完成翻新工程，好新淨，車都係新的，但設計是懷舊的，芥辣黃色的車身，配綠色坐位，仲有懷舊燈！呢幾年，成個東京D車站大部份在翻新，終於見到一個完成，其他大站新宿、涉谷果D仲有排，應該2020奧運前會完工吧！

去到田原町，行左一邊，冇收獲！坐低飲杯野先，去左我好鐘意果間 coffee shop，叫左 Iced ginger lemonade，同一個小食，個小食其實係罐頭魚加左D香草同青檸汁，配兩條多士！志在 relax 一下！呢度又有 Wi-Fi 可以上下網！休息左一陣繼續行埋對面果邊，都係冇野睇啱！第一次在田原町冇買野！

去返火車站撘一個站去淺草轉一個站去 Sky tree站！去到就快天黑了，在外面影左一陣相，返入室內行下，見到今日在東京站買的 Press butter sand 有分店，當然又係賣晒！今日好似去邊都好靜，好似市道好差咁，周圍都靜，未見過 Sky tree 咁靜，行左一陣去搵野食，食左鰻魚飯，份量晤太多，啱晒！食完返去喇！撘半藏門線，一個站到錦系町，轉 JR 中央總武線返新宿！