榴槤團

去完旅行，約咗好友食飯，順便攞埋手信比佢哋，簡簡單單食個小菜，然後一齊去咗油麻地果欄，目的只有一個，就係買榴槤！

我哋揀咗一個青尼同埋一個寶石球，個青尼有成10磅重，不過我哋有四個人， 10磅絕對食得晒，至於個寶石球就比較細啲，不過都有五磅重，買完榴槤我哋去返好友屋企食，個寶石球都幾甜，青尼味道都唔錯不過就唔係預期咁樣，平均每人都食咗大概六舊榴槤肉，近幾年都食唔到幾多好食嘅榴槤，今次呢兩個都算好好，我哋就約定下次再一齊食！