話咁快就到咗最後一日假期，今日搭19:10機返港，朝早在酒店check out 之後，放低行李在酒店，出去食D野，又去一蘭食拉麵，食完在附近行街，最後衝剌，睇下仲有冇野買，行到去戎橋，見沿河都放滿旗幟，宣傳2025年大阪世博，尚有七年就已經宣傳喇！見到驚安殿堂的觀光纜車，好似話關閉左好多年，幾個月前先至重新開返，不過我哋冇興趣試！
在附近行街，都冇買到D乜嘢，去返酒店附近食嘢，之前在酒店附近見到一間食牛吉列的食店，經常都排隊，今日就去睇下要排幾耐，今日星期六，竟然唔使排隊，食店叫做牛カツのタケル，主要係食牛吉列，這家的選擇比較多，而且醬汁亦有幾款，先在門口買飛，然後才入坐，枱面有小火爐，有醬汁可以自己加，白飯和菜可以任加，牛肉算幾大件，味道不錯，比前幾日食果間平D、多肉D、白飯任裝，唔怪得成日排隊，走的時候門外已有人排隊！
食完野去宅男街行左陣，見到上次住果間民宿，門口放了扭蛋機，又開左檔鯛魚燒，加上星期六多人，頗熱閙！我地三點幾返酒店攞行李，撘四點火車去機場，去到機場已經可以 check in 行李，跟住過關後想睇下有冇大支裝清酒，不過間間都冇喇！唯有下次先！
沒有留言:
發佈留言