Dear Lilly

在網上看到這家餐廳的介紹，覺得好靚，咁近，就去試試！

店子在4樓平台，從來沒有去過四樓，上到去，只有三家食店，以為門口會好配合店子風格，可能建築外型限制，所以這𥚃每家店的外型都一樣，玻璃外牆可以望到店裏面，店內的人頗多，其實店好細一眼可以睇晒，所以睇上去好似好多人，店的中央有一個水吧，水吧的外型是一個心形的框架，左右兩邊都有一個心形的廂座，心形梳化、心形枱，可以坐大約5-6個人，不過張心形枱好細，應該唔可以用餐，只可以放飲品，除非加大張枱先可以用餐！其餘都係正常方形枱，坐椅都好靚，成間店好有歐洲古早風格，店內好多仿銀器小物，好多玻璃小樽放了小小乾花，好浪漫優雅，天花板掛滿薰衣草同埋好似係小臘菊嘅乾花，有陣陣薰衣草嘅香味，而酒吧中央天花就釣咗一D玫瑰花同埋信件，好有浪漫情書的感覺！

食物方面，我地叫左兩個 set lunch ，兩杯 cocktail，set lunch 揀左湯同沙律 starter，店員知我地 share就將個湯分開兩小碗，主菜叫左牛扒同 Shepherds pie，Cocktail 叫左 Mademoiselle Lilly，另外一杯唔記得名！食物質素都 ok，cocktail 價錢偏貴，甜品味道都ok，我諗以佢個位置同食物質素，好難經營，幸好有靚裝修，幫佢爭取返D客！