大年初二，照例同屋企人飲茶團拜，今年同去年一樣，去咗文化中心飲茶，呢間酒樓前身係映月樓，依家改咗名，佢都驚D客唔知道，所以都寫明前身係映月樓，我哋訂咗枱，去到就有位，不過見今日都唔係好爆場，感覺今個新年旺丁唔旺財，周圍都係人，但係食肆同店舖都係唔爆！我哋都叫咗幾多嘢食，又叫咗湯飲，我哋成家人都鍾意飲湯，所以有湯飲係好重要，點心都叫咗好多，又有叫炒麵炒飯，食得好飽呢！最重點就係甜品部份，叫咗一桶豆腐花，又叫咗懷舊芝麻卷同埋煎堆仔，豆腐花唔夠硬，比較稀，不過豆味都好重，芝麻卷都好香，但係印象中芝麻卷係應該比較令同埋滑，呢度嘅芝麻卷就有D粉！
沒有留言:
發佈留言