明記潮館

大年初一，希望大家狗年行好運，身體健康，心想事成！

近幾年，馮係年初一，都會與同一班朋友食開年飯團拜，今年去咗旺角呢間潮州菜館，之前同朋友來過一次，在地鐵站行過去嘅時候，見到成條砵蘭街都擺滿咗小販，好多嘢食呢！

今日雖然係年初一，但係佢冇爆場，去到睇吓餐牌，一律都係賀年套餐，新年期間好多食肆都係整晒啲賀年套餐，不過，如果你問店員有冇正常餐牌，好多時都係有嘅，只不過佢哋想人客以為冇，就個個都叫套餐，咁佢哋煮又方便，價錢有收高啲，因為我哋每年都出嚟食，所以已經有經驗知道，我哋當然散叫啦，我地叫咗螄蚶、韭菜豬紅、炸乳鴿、黃金鮮魷、炸魚餅、豪仔粥等等，好耐冇食螄蚶，一來唔係周圍有得食，二來唔係個個朋友都鍾意食，記得以前在上海餐館才有得食，而且都係生食的，仲幾大粒幾飽滿，而家果D細細粒，又唔係咁靚，亦都唔會全生，所以已經食食唔番以前的貨色，好友話下次去葵芳試下另一間！我地雖然唔係叫咗好多嘢食，不過都好夠食，因為有幾個小朋友，所以食得唔多，近幾次聚會都冇帶小朋友出來，幾個小朋友耐冇見，都有D陌生！成晚悶親佢地！