牛摩

很久沒有去過馬鞍山了，上次是去年5月，與好友食 farewell lunch ，轉眼已有九個月了！今日入去，又有好友要離職，先出來聚一聚，待她走前再食 farewell dinner！

去了商場食，這家叫牛摩，型式跟昨晚吃的温野菜相似，都係放題型式，以不同質素的牛肉計價錢，限食90分鐘，時間有點短，昨晚温野菜有兩小時，入坐時先揀湯底，我選了蕃茄薯仔湯，好友揀九州地獄湯，一坐低，湯即到，然後豬、牛、雞肉各一碟，除了肉類要落 order之外，其他食物自助形式自取，食物選擇頗多，除了一般火鍋配料的丸類、瓜菜類、粉麵等，還有壽司、炸物和一些熱食，炸雞翼、焗青口、炒飯等，飲品、甜品都有，可算是中日放題，食物質素都ok，菜都新鮮，我地主攻牛肉，其他野只食小小，牛肉切得非常薄，食一碟才好像食了三、四片正常厚度的牛肉，所以我們叫了八碟，還可吃烏冬和麵呢！

席間，談到好友的去向，她為了女兒放棄高薪，主要靠層樓每月收租萬多元，再搵 part time 做，始終單親家庭都希望多照顧女兒，希望她母女二人生活快樂！