Dudu

相識多年的好友同事要離職了，相約一眾好友為她 farewell ，我地廿七人，訂左間 party room，位置頗為偏僻，由地鐵站步行前往要25分鐘！由於是工業大廈，夜晚好靜，上到去已經聽到音樂聲，跟住音樂聲行就搵到，呢度設備幾齊全，有桌球、麻將、啤牌、karaoke、PS4、Switch、波波池、服裝、兒童玩具，仲有個小小 open kitchen，有雪櫃，有bar 枱仔，基本上係好似一間屋咁，食物方面可以訂一D到會外賣，我地自己在超市購買了些飲品放雪櫃！

雖然地方大，但人多就有D各自各玩的情況，大家無乜傾計，係食野果陣傾左一陣，一些久未有見面的，都傾下近况，陸續都有人離開，大家對公司前景唔樂觀，大家都覺得時代改變，好多人都想生活有所改變，想有自由D既工作時間，想有多D時間照顧屋企，寧願搵少D，都唔想營營役役，趁仲後生轉工，各有自己想法，希望大家都能如願！

Dear Lilly

在網上看到這家餐廳的介紹，覺得好靚，咁近，就去試試！

店子在4樓平台，從來沒有去過四樓，上到去，只有三家食店，以為門口會好配合店子風格，可能建築外型限制，所以這𥚃每家店的外型都一樣，玻璃外牆可以望到店裏面，店內的人頗多，其實店好細一眼可以睇晒，所以睇上去好似好多人，店的中央有一個水吧，水吧的外型是一個心形的框架，左右兩邊都有一個心形的廂座，心形梳化、心形枱，可以坐大約5-6個人，不過張心形枱好細，應該唔可以用餐，只可以放飲品，除非加大張枱先可以用餐！其餘都係正常方形枱，坐椅都好靚，成間店好有歐洲古早風格，店內好多仿銀器小物，好多玻璃小樽放了小小乾花，好浪漫優雅，天花板掛滿薰衣草同埋好似係小臘菊嘅乾花，有陣陣薰衣草嘅香味，而酒吧中央天花就釣咗一D玫瑰花同埋信件，好有浪漫情書的感覺！

食物方面，我地叫左兩個 set lunch ，兩杯 cocktail，set lunch 揀左湯同沙律 starter，店員知我地 share就將個湯分開兩小碗，主菜叫左牛扒同 Shepherds pie，Cocktail 叫左 Mademoiselle Lilly，另外一杯唔記得名！食物質素都 ok，cocktail 價錢偏貴，甜品味道都ok，我諗以佢個位置同食物質素，好難經營，幸好有靚裝修，幫佢爭取返D客！

新南苑

今晚相約好友去打邊爐，去呢間火鍋店，之前訂唔到位，今次一早訂左，仲有房添！我地7個人，間房可以坐8個人，呢度係任食，先食雞煲，我地叫左兩個小辣先，店員教我地電爐教140，煲兩分鐘，然後攪下佢，電爐教低去120，又煲兩分鐘，又攪下佢，然後再教低電爐去100，再煲兩分鐘落油炸鬼，熄火，食得！幾好味，好快食晒，因為份量唔太多，又叫多兩煲，佢係任食的，不過我地要留肚食火鍋，之後叫果兩煲，只來了一煲，食食下都覺得夠，所以冇追佢個雞煲，就轉火鍋，轉左火鍋就唔可以叫返雞煲，我地叫左花甲湯底，火鍋到左之後，就會上一盤海鮮，有扇貝、蚌、蠔、脆肉鯇魚片、蝦，按人頭數量，每款7件，另外兩碟牛肉，份量幾少，部分食物可以再order，而部分食物再 order 要比錢！例如牛肉、蝦、蠔等海鮮都要比錢，蔬菜、飲品就自助，食物質素都幾好，以價錢二百幾一位算抵食，難怪經常滿座，咁難訂位！

食完火鍋又切蛋糕，好友2月29號生日，4年一次，我地照同佢慶祝，我地成晚吹水吹到夠鐘交枱，已經約定下個月食飯，有兩個好友生日，到時再食飯！

飯局主場 - 第十三回

年初八，相約了好友來我家，先在街市集合買餸，買了牛肉、蝦、鮑魚、扇貝和配料，然後回家洗洗洗，煲落個湯底，今次係南瓜、蕃茄湯，原本想用蘿蔔，但係最近食太多蘿蔔糕，所以大家都唔想見到蘿蔔！

洗完野剛好人到齊，五大兩細開餐！食食下先想起唔記得影相，所以只有幾張，食完飯我地玩啤牌，又玩魚蝦蟹，原來屋企有一盒合味道杯麵的魚蝦蟹！我都唔記得點解有！玩下玩下就玩到十二點幾！小朋友都攰了，所以要走喇！

穴藏

今日午餐突然好想食壽司，去左試呢間，店內裝修幾靚，坐位都唔算好多，又有壽司吧，我叫了一個壽司set，有10件壽司，仲有蒸蛋、麵豉湯，壽司看起來不錯，食落都ok，係鰻魚麻麻地，仲有甜品，食飽再返屋企準備今晚要招待好友來訪上！

多彩皇宮

很少會去石硤尾這個地方，今晚約了多年沒有見面的舊同事，其實佢地一向都有聯絡，只有我和其中一個仍然共事的好友經常見面之外，其他人都沒有聯絡，今晚見面都好開心，少不免想當年，惜日共事的時間好短，但友誼 keep得好長，想起當年個個年輕、單純，又喜歡玩，也沒有甚麼壓力，只能說：青春，多好！

今晚我地訂左間房，叫左的食物唔太多，海蜇燒肉、豬肺湯連湯渣、煎蝦、沙拉骨、蒸魚、燒雞、糯米飯同埋豉油王炒麵，食物質素好，份量剛剛好，冇食剩，大家都好飽，仲有甜品馬拉糕同蛋白杏仁露，生果！好味！

川莊

今日行程豐富，飲完茶去咗黃大仙拜神，然後去睇戲，睇完戲食飯！

近近地去戲院附近食，見到呢間食川菜同埋川燒，門口見到店員在燒烤，又去試下！因為唔係太肚餓，所以只叫咗少少嘢食，叫咗一個水煮魚，可以揀四款配料，我哋揀咗芽菜、腐竹、朱紅同埋木耳，加個乾煸四季豆，再叫三款串燒，羊架、一口和牛、蜜桃鴨胸，川燒都係加左孜然粉燒，我覺得搶左食物原本的味道！個和牛吃起來像羊肉，鴨胸比預期好味，羊架冇羶味，都唔錯，水煮魚個碗好大個，講明14吋直徑，辣度有5級選擇，我地楝2級辣，味道都ok，我地又叫左特飲，都食得好飽！

食完飯又去一芳買野飲，幾鐘意飲呢間，因為主要賣水果茶，有別一般珍珠奶茶的台式飲品店，又可以有唔同甜度揀，可以揀微甜，啱我！