一早起身，去返尋晚食飯的地方，早餐選擇唔多，麵包只有兩款，牛角包每人限取一個，瑞士的牛奶和芝士出名，所以主攻芝士火腿，麵包牛奶！食物質素好，雖然選擇少，亦係食得最多的一家早餐！
食完早餐出發去琉森市，今日天氣好好，陽光普照，好快出到去市中心，先去睇左獅子石，呢個景點，之前睇過，唔算有乜特色，不過呢度冇乜景點，所以都影下相，影完就走，跟住領隊帶我地去買勞力士的商店，團友可在附近 shopping ，領隊比個半鐘時間我地自由活動，團友去買勞力士，我地只是能在附近行下，睇定午餐食乜，在附近影下相，見到有水果檔，我次都見到呢檔水果檔，我地買左提子同橙，留返今晚食，瑞士天就非常乾燥，忽然好掛住潮濕的香港！買完水果在湖邊的長櫈坐，曬下太陽，睇下白鴿，幾 relax！夠鐘集合之後，去坐船遊琉森湖，原本昨天坐船，但太大雨才改今天，否則昨天就不能落山行下！我地包船，隻船有兩層，可以容納約50-60人，個個都坐樓上，今日都好大風，但係個景好靚，而且有廣東話廣播介紹景點，隻船回航時好大風，個個落返樓下坐，遊一圈都用左成個鐘！
遊完船河，又自由活動時間，今天的午餐自費，去湖邊的餐廳睇下有乜食，睇左幾間餐廳，最後揀左間意大利餐廳，Da Ernesto Ristorante ，正正是我上次吃過的！我們叫了兩個 pizza、魚 pasta，同海鮮 risotto ，好豐富，因為下午要坐六小時車過去法國，好友擔心肚餓，所以叫兩個 pizza，預計打包一些在車食！個 risotto好好味！意粉唔錯， pizza 也好味！吃的很飽呢！食完飯，集合之後出發去法國喇！全個行程最長的一次車程，中間停兩次中途站休息和去洗手間！
今晚去法國一個叫 Auxerre 的地方，酒店是 Mercure，這酒店比較舊，有兩層，樓下的房門向外，門外已經是草地，我們住樓上，房門向內，一路見到草地的椅子都有蜘蛛網，連垃圾筒口都有，那表示設施不單沒有人用，乜沒有人去清潔！房間也是尖頂的，但跟之前在意大利的尖頂差很逺，加床也放得很迫，而且貼近尖頂，我地自己移動過，才好一點！
沒有留言:
發佈留言