Namo Avant Thai restaurant

相約好友去尖沙咀食飯，呢間餐廳在尖東，之前同屋企人去過樓上酒樓飲茶，呢間餐廳有室外位，原本想坐室外，但係怕多人食煙，都係坐室內，今晚唔算多人，雖然係假期，應該好多人都去咗旅行，食肆都唔使點樣等位，我去到佢地都未到，坐低睇住menu 等！

佢地好快到埋，我地叫左大蝦冬陰公湯、生蠔、炸蝦餅、雞肉生菜包、牛肉沙律、炒飯，我地上次出來食飯已經係兩個月前，今日見面，又傾到雞啄唔斷，好友早前與太太鬧離婚，依家關係得到改善，值得高興！

食完野叫甜品食，叫左芒果糯米飯、薑汁焦糖布丁、朱古力鬆餅配熱椰子汁，呢度食物質素都唔錯，甜品味道一般，價錢偏高，份量較少，始終覺得食泰國菜，都係九龍城比較平靚正，貴價泰菜可能精緻D，但係總覺得唔夠地道風味！