靚煲皇

又飯局！

好友生日，難得今次比較齊人，約左去旺角食火鍋，第一次去呢間，位置比較隔涉，去到見到冇圓枱，只有幾張方枱拍埋一齊！我地十一個人，長枱真係唔方便傾計！食野都唔方便，下次應該冇圓枱就即刻轉場，

我地叫左兩個湯底，一個招牌湯底，有豬手、扇貝、吊車片等，味道基本上好似豬骨煲咁，我就唔多喜歡豬骨煲湯底，情願揀清湯底，另一個蕃茄牛腩湯底，我無試，因為距離太遠，食物方面，我地叫咗都係一般火鍋配料，食物質素都Ok，不過呢度比較適合二至四人食，人多真係唔好坐，見到有D枱在室外，如果天氣唔熱，坐室外就冇咁侷促！

今日有朋友攞左D有機雞蛋比我，因為數量有成60隻，趁今日飯局帶左D比好友，只係留幾隻比自己！