又去迪士尼，每年 Halloween 都去，今日入去之前想起，今日仲係十、一黃金週，會唔會好多國內遊客呢！
約了好友，在青衣城食 lunch，又去麵屋武藏食拉麵，去年十月我地用會員 生日coupon ，咁快又一年，又用生日coupon，食完拉麵入去喇，要睇三點巡遊，兩點幾入去，入到去，好友攞返張全年證，攪左一輪，已經三點四，睇唔到巡遊喇！
今日好熱又曬，入到去，真係好多遊客！我地重點去想去的地方，先在大街影相，跟住在商店行一陣先，實在好熱！今期的精品不太吸引，好友想買 iPhone 機殼都睇唔啱！我地去 Duffy專門店，想同 Duffy影相，但係截左龍，轉頭睇下有冇時間再排！
行完出去，原本想睇5:00 故事劇場，但係未夠5:00已經滿座，下一場6:15，已經要開始排隊！唯有下次先睇！然後去睇4D，凉下冷氣先，睇完出來，冇咁曬喇！去童話園林影下相！好多人！上次係冇人架！我地影左一輪相，去睇下 Halloween 節目！
去鬼屋，今年得一間鬼屋，詭夢實驗室，要排隊一個鐘，照排啦！始終期間限定，其他可以第日再來過！排隊時好熱！有D位有風扇好D！見D人出來的時候都笑得好開心，以迪士尼的作風，應該驚嚇程度好低！
終於到喇！講明唔可以影相，一班人一齊入去，好大煙，一入去有個人講野，雖然佢講得好大聲，但係現場音效好大聲，聽唔清楚佢講乜，大摡話將要入去實驗室，唔知會見到乜.....跟侄入去另一間房，有小小鬼怪公仔，突然會郁果D，有一間房，入到去會關閘，我地好似被困咁，當然有其他出口，去另一間房，入面有玻璃房，入面係瘋帽呀！佢話有冇人想同佢 tea，我地猛話我想呀！不過佢搵左近門口一位女士入去，捉住佢坐在餐桌前，用布帶繞在她頸上，然後攞把大鉸剪話要剪左佢個頭！跟住玻璃房落左簾冇野睇，跟住行一段迷宮，好似 Alice in wonderland 場景，好靚！跟住有個白色公仔走出來同大家跳舞，好攪笑，唔怪得個個出來都笑啦！
出到來，天黑了，去等睇巡遊，好多人呀！原本個個坐低，一開始巡遊，個個起晒身睇，不過企起身睇，比人遮住睇唔到，有兩大惡人，一個係黑皇后，另一個唔記得名，又有 Jack，睇完可以預備等睇煙花，不過太多人，未試過咁迫人，所以放棄了，去火箭餐廳用埋張 coupon，食D野走喇！
沒有留言:
發佈留言