又落雨，今日約左好友來我家晚餐，昨晚做了花雕雞翼，今日一早起身，洗左個廁所，執定明天旅行的行李，然後落街買餸先！
今晚得三個人，唔想整咁多野，做我經常用來宴客果幾味，買左條斑、一斤蝦、葱，昨天已經買了蒜和薑，晏D買埋牛扒同菜，買完返去處理左D蝦先，要蒜蓉開邊蒸，將蝦開左邊先，舖好蒜蓉，洗好條魚，放入雪櫃，然後出去買牛扒！
攪左成朝都冇食早餐，近近地，去食個老麥！已經唔記得幾多年冇食過老麥，食左個板燒雞腿包餐，食飽去搭車！
去尖沙咀 City super，買我最喜愛的韓牛！見到多左一個選擇，係之前有的河東郡鮮松葉牛，但係亁熟成，比唔係 dry aged 貴左$40 / 100g ，就買塊試試，另外再買一塊細的非熟成，再買埋沙律菜，就去會合好友！
去到我屋企，我切埋D蔥，可以開始煮喇，先蒸落條魚，跟住煎牛扒，然後蒸蝦，一個爐蒸三碟魚＋蝦，好方便，菜同雞翼唔使煮，好快食得，好友買左 Tony Wong 的 macaron，說起 macaron，今日在尖沙咀見到 Pierre Herme 的店已經 closed ，鋪位現正空置，應該得返 IFC 店，下次經過望望是否仍在，當年開業時，排了長長的人龍，在香港營商，大概就是很難持久！
沒有留言:
發佈留言