豊洲水産海鮮專門店

呢兩日網上熱門食店未佢莫屬，雖然十月一日先正式開業，呢兩日試業做半價，所以好多人去試，今日諗住去食 lunch，見佢收三點，一點幾去到已經截左龍，問左晚市六點開始，五點半派飛，叫我地四點幾要來排隊！


唯有食其他野，去附近食西餐，去左ANA食，叫左豬肩同羊扒，有生蠔送，好味！食左唔夠一個鐘，因為收三點！再去 Pokka 食個 tea，坐到四點幾就走，再去豊洲睇睇！

四點九去到見到長長人龍，大約有八、九十人，排到五點半左右開始派飛，今晚派250張飛，一個人一張飛，派到我已經232號！！！人龍冇咁多人，可能有D一個人排隊攞兩、三張飛，所以眼見冇咁多人，攞左飛可以行開，十點半前返來，有飛就得，但係大部人都冇行開，如果排龍尾，大可以行開晏D再返來，我雖然排好尾，但係我一個人，我覺得有機會快D，所以冇行開，六點開始入坐，一開始已經有一人位，不過前面有一個人係一位，佢可以入先，好大機會好快到我，排我後面的男士也是一個人，大概他太無聊，問我是否一個，佢話應該好快到我，就傾左一陣，原來佢午市也來過，佢又係食唔到午餐，所以夜晚再來，佢話問過排頭位果個十點幾到，所以晚市六點開始就要四點幾來！說時遲那時快，六點半已有一人位，店員問有冇一位，我當然舉手，我比飛時前面有個男人話佢都係一個，店員話頭先佢冇應，我又比左飛，所以下一個先比佢，入去前要落單先，只有六款丼選擇，唔係 menu 上所有食物都有，同埋四款果汁，我揀左黑鮪霜降腹身丼同橙汁，入到去，見大約有十個 bar枱位，其他位廿個左右，即係一 round 約三十人，即係全晚 around  做八round ，每 round 半小時，其實去開築地都係咁，壽司店一般有一人位的機會，每 round 都係半小時左右有人走！

坐 bar 枱見師傅在切魚生片，個丼好快到，跟丼有湯，先試試魚生片，好肥美，只是不夠厚身，未食之前，都想知打著豊洲的旗號，到底水準如何，老實説，在築地吃的魚生丼，也有高低水準，如果問呢間質素同築地比，有冇得比，有的，這裡是有水準的，但不是最好那種，以正價計物有所值！

慢煮瑞士汁雞翼

又玩慢煮，見網上D人話慢煮雞會好滑，自己煮有時會老左，所以好想試試！

用最簡單的方法，現成的瑞士汁，加在雞翼一袋抽真空，但係抽唔到真空，因為會抽埋D汁，所以只係按壓真空袋至最少空氣，封左袋口，浸在75度水，放在蒸爐用75度煮兩小時，煮完出來，唔算好滑，只係比其他方法煮滑D，我諗可以減時間，因為網上的做法是煮一隻雞，如果淨雞翼，我諗可以短D時間，下次再試試！

不過部真空機壞左！因為吸到D汁，要攞去整！

琼姐泰式私房菜、沛公甜品

今晚又有飯局，去銅鑼灣食私房菜，在波斯富街的一座舊舊地的大廈，呢度有住宅，有商店，呢類樓上店，在銅鑼灣有不少，呢度食私房菜，所以冇餐牌，枱枱都係食果D，淨係咖哩有選擇，呢度大概三百多尺，坐到三十人左右，廚房半開放，加上今日滿座，所以有點熱！店主應該一家人經營，所以得兩個人招呼客。

食物有肉碎生菜包、生蝦刺身、冬蔭公湯、燒烏頭、炸蝦餅、蝦春卷、炒通菜同埋菠蘿炒飯，食物質素唔錯，飲冬蔭公湯時，留意一下味道，希望下次自己煮果陣有進步！有甜品送，有椰汁西米露同椰汁糕，我地兩樣都有叫，西米露送來的時候，才發現原來是西米糕！而且係好細件，不知是店員講錯，還是我們八個人都聽錯，成班人爲左個西方米露笑左好耐！

食左個迷你甜點品唔夠喉。成班殺落耀華街食甜品，去到聰嫂甜品，勁爆場，長長的人龍，要等佢叫多13張飛，先到我地！今日星期五，所以咁爆！改去附近的沞公，好快有位，曾經食過，覺得麻麻地，不過冇位，都去試下，招牌多左個貓山王專門店，有唔少榴槤甜品，但不太吸引，而且價錢頗貴，原本想叫榴槤蛋白燉奶，但要$128！！ 最後揀左榴槤法式燉蛋，味道麻麻，榴槤都唔係好好味！朋友叫了其他甜品也不太吸引！

屍殺前傳：首爾站 Seoul station

在首爾車站，有個年長的露宿者頸部流血........海順和男友在旅館居住，兩人沒有正職，拖欠租金（好多韓劇都有呢個劇情）男友想她接客搵錢，兩人為此爭執，海順走到街上，在首爾站，見到一班喪屍，她與其他路宿者逃到警署，卻被困於警署內，好不容易，才逃到火車站，途中，男友和爸爸前往救助......!

睇呢套戲，係因為睇左屍殺列車，因為是動畫，已預計冇真人做咁好，但係，之前話女主角係屍殺列車中，跳上火車的喪屍，原來並不是，如果話呢套係屍殺列車前傳，只能夠話呢套戲係講屍殺列車去斧山時，同時在首爾發生緊乜野事，動畫的製作較粗糙，劇情不夠緊凑，喪屍不夠驚嚇，可能睇左屍殺列車之後，有所期望，結果有點失望！

廣島蠔斧飯

之前買左盒廣島蠔，攞左成半年，最近先徥閒整，跟鬼嫁食譜做，先將蠔解凍，食譜話用粗鹽灑在蠔上（冇粗鹽用左岩鹽），放置10分鐘，然後洗雨、三次，直至無潺，然後瀝乾水，蠔放入鍋內，加入汁料：日本醬油     1/2湯匙、薑蓉連薑汁1湯匙（唔記得買薑，所以冇落！）、味醂2湯匙、鰹魚汁2湯匙和料理酒3湯匙，中火煮滾汁約2分鐘後熄火，將蠔盛起，汁料加水（最後試試會否太咸），份量相等於平時煮飯要用的量，加入洗好的米，我用電磁爐煮，米和水煲至有蝦眼水，轉最細火煮15分鐘，然後焗5分鐘，加蠔在飯面，再中火煮2分鐘，再焗5分鐘，完成！D飯因為用汁煲，所以係有味飯，實好味！蠔雖然冇落薑，不過唔唔腥，係中間有小小苦，唔知係咪因為冇用粗鹽呢？

薩利機長：迫降奇蹟 Sully

故事講述2009年1月，一班全美航空，1549 號機，在起飛後，因受到鳥襲，雙引擎失效，被迫降落在 Hudson river上，慶幸全機人平安獲救，機長薩利即時成為人民英雄，在無數的歌功頌德下，他備受精神壓力，同時要面對航空局的調查.......

一向喜歡睇 Tom Hanks，他的電影幾乎每部戲都有睇，戲中他的演出當然好，節奏急速，睇到好緊張，未到最後都未知結局，完場後，有播返 Captain Sully 真人片段，分開兩段，睇埋佢太太講野先走呀！

2016年9月東京之旅 - Day 5 成田空港

今日要返港，航班時間是15:55，時間比較早，預早兩小時到，個半小時車程，想撘十二點左右的巴士，只有10:40和11:40兩個選擇，11:40有點緊，10:40又早左D，情願早D，到時可以去行下，呢D時間，兩頭唔到岸，如果去浸溫泉又趕唔切，所以邊度都唔去，直接出機場！

八點起左身，梳洗完再整理下D行李，再慢慢 check out，過隔離華盛頓酒店 hea 一陣，去 Family mart 買鮮奶飲，上一陣網，出去巴士站等，好快有車到，巴士在新宿停左幾個站先去機場，比起由機場去新宿耐左，要成兩個鐘先到！在巴士上又瞓左，去到機場自己醒左，HK airline 在 Terminal 2 ，上次國泰都係 Terminal 2 ，我常常攪錯 Terminal 1、2，到左就記得 Terminal 1 多野買D！先去 check in ，我成日覺得機場應該有個磅比人磅行季，香港都有，日本見唔到有，望下機場指示，冇呢樣野，行過 locker見有人圍住一堆，原來有個磅！太好喇，等人知道行李會否過重！我今日個行李幾重，我估23kg左右，航空公司包20kg，上磅一睇27.68！足足多左7kg！我朋友教過我，將多左的行李存放 locker，寄完行李，先至去攞返，因為上機前，個個都會買好多手信，可以照上機！我抽返7kg行李出來，磅過得20.3kg，將多左果D放左 locker先，跟住去 check in，1:15pm先開始check in，等左一陣，寄行李時，見前面果家人，手提行李都磅，我就冇磅，佢地手提行李都比條 tag你，寫埋重量，佢冇磅我個背包，只寫3kg，check in 完，攞返locker行李，我用兩個背心袋裝，原本想行下商場，都係過關先！過左關之後，推架車仔去食壽司，睇地圖先發現我記錯左！原來Terminal 2係冇乜野食架，上次食果間壽司岩係 Terminal 1，冇得食壽司，仲要得兩三間食肆添！

冇乜選擇之下，㨂左間 Avion 食碗麵同餃子，食完野，去 Akihabara 買野，呢間叫秋葉原的店，好多人買手信，佢有另一間賣電器的在對面，就冇乜人喇！我買左薯粒三兄弟，其實時間唔太夠，好快已經3:05，行返去閘口等，好快就上得機，個個一袋二袋手信，又趕住登機，當然冇人 check手提行李啦！回程又坐窗口位！可以睇下香港夜景，返到香港七點幾，好少咁早，好多時返到去十一、二點，今晚早D休息，下星期一、二要預備開會喇！

2016年9月東京之旅 - Day 4 東京迪士尼海洋

終於等到今日！為左今日開始的 Halloween promotion 才決定今次旅行，不過天氣實在太熱，尋日流左成日汗，件衫濕晒，好臭！今日帶多件衫去換！唔使臭住自己！

瞓醒立即入園，由新宿坐 JR 中央線去東京站轉京葉線，原本想在東京站內食物野，不過選擇不多，還是到樂園才吃吧！去到樂園外面的商場仍未開門，開10:00，先去買車票，同時有15週年版本同 Halloween 版本，四款15週年票冇我喜歡的 Duffy，所以選了 Halloween 版本，Halloween 版本又有兩款，一款橙色 Disneyland ，另一款暗紅色 Disney Sea ，買左暗紅色果款！買完車票就影相，車站例必有影相位，影完去年返商場，剛剛開了門，但裡面的食店尚未開門！全部開11:00，唯有入園才吃！

今日天氣好熱！我汗流夾背！坐迪士尼線去 Disney Sea，第三個站就到！今日係 Halloween promotion 的第一天，好多人扮Disney 角色入園，見到兩個女仔，一個扮 Belle，一個扮 Enchanted 入面個 Giselle，佢地條裙，好傘，髮型也跟足，十足十樂園入口D cast member，見其他 扮Belle的人，條裙冇咁傘，而 Giselle 更是全場唯一，我想起姨甥女曾經也扮過 Giselle入樂園！其他見得最多係亞拉丁的 Jasmine，同埋 Elsa 、Anna！

入口個15週年船，吸引好多人影相，我都排隊比佢地攝影師影，曬返張紀念相先！上次雖然都有影，不過今日天氣好D，陽光燦爛，影出來靚D！影到身水身汗，去商店凉一凉，行行下想起未去攞 fast pass ！即刻去胡迪果度攞，去到已經冇得攞！要排140分鐘！冇得玩了，去食野先！去返近住入口的Portofino ，叫左15週年set，有前菜、意粉、甜品，另外叫了麵包，和一杯烏龍茶，食飯時又見到 Belle 同 Giselle，食完野去返商店凉下，今次冇乜野睇啱，之前上網睇都覺得麻麻地，實物都唔太靚，基本上係冇野睇啱！

行完 shop出去行下，先去森林果邊搵間 shop，因為要訂個15週年掛飾，製作需時，掛飾有三個色，金、銀、黑，原本想要黑，但係D英文字係金色，見到有D sample，配埋一齊好怪，唯有要金色啦，要等三小時後才可以取，出去睇下有冇D機動遊戲唔使點排隊！去到 Discovery port ，有個 game，排15分鐘，不過會濕身，天氣咁熱，就濕下身啦！玩完先知佢係水柱噴面，除非你擰轉面，先至濕到背脊，噴左兩次，都好濕下！玩完出來，頭髮在滴水，衫濕住唔係幾舒服！一路行下 shop凉下，有時坐樹蔭下休息，有D風都會舒服，跟住去玩深海二萬尺，又係排15分鐘，跟住又行下坐下，攞完掛飾，去食個熱狗，之後一路都係行 shop買野，今次買左好少野，買左小小手信，行到天黑，都冇乜遊戲好玩，早D出返去，再去入口影相，跟住搭車走，返到新宿，去藥房買野，亦都係買好少野，一細袋，買完想去食壽司，但係食左漢堡唔太餓，去左華盛頓酒店はじね食燒蠔、扇貝、蜆、蠔飯，仲有佢地既梅酒，好好味！食完返酒店執行李，明天要走喇！

2016年9月東京之旅 - Day 3 築地、田原町、Skytree、新宿

尋晚真係失眠！感覺好似冇瞓過！不過手腳冇咁累，一早起身，先去築地，目標為本，直接去鮨國，去到未開門，十點鐘先開！門口外有11個人排隊，仲有20分鐘先開門，玩下手機好快過，預備開門前，先派了menu，然後安排入坐，9個 bar枱位，4張四人枱，果4張四人枱，只有一張可以一分二變兩張2人枱，佢地唔比撘枱，又多一pair pair，所以形成左3張四人枱只坐6個人，今朝有一家四口，所以有兩 pair 要等下一輪，不過廿五分鐘後有一個人走，過多五分鐘亦開始陸續有人走，如果未開門前已經等，頭圍入唔到，大約要等一小時，如果一個人，就有機會有位！呢度只收現金，同埋每人最少要叫一樣野食。

講返我餐飯，叫左海膽飯，佢加左價 ¥3800，之前第一次食¥3100，另外加左兩隻酒煮花甲，一隻牡丹蝦，質素仍然保持，正！食完野，走果陣見好多人排隊！行去下一條街買茶葉，上次來冇開到，今次有開，比張玄米茶的相店員睇，佢地D茶葉密封，睇唔到有冇原粒玄米，不過摸到一粒粒，買左兩包，跟住去田原町！

行去本願寺果邊，過本願寺對面入車站先啱月台，行日比谷線去上野，轉銀座線去田原町。都好快到上野，行去銀座線北千住方向，坐兩個站就到，今日醒喇，由 Elevator 出口出，一出閘就係升降機，上1/F，一出轉右行，兩個街口就到，好近，一見到田窯就係入口！跟上次一樣，先行右邊，今次幫人揾千代田模，有間叫做馬嶋屋菓子道具店的鋪，話自己賣果隻模同千代田模同一樣 coating，睇落又似我尋日買果個，因為個模有少少暗彩紋，呢度賣果D都有，仲有一樣的檸檬模，還有櫻花、貝殻、香蕉，長方、四方，價錢仲平好多！檸檬模平左一半！等回覆再去買！行左去上次路過的街口，有家賣刀的店，原來這條街有幾家食店，呢條街剛剛好望到 Skytree在路中間，上次來見不到食店，今次先見到！行左一陣，身水身汗，見到一間叫 Bridge 的店，只賣飲品和雪糕，環境不錯，坐下飲杯野凉下冷氣，坐一陣好舒服.....想瞓覺...zzzz

行埋最尾果段，去上次去過果間 báisè 成間 shop 的家品主要是白色的，上次買左個碟架，諗住買多個，點知冇晒！見有用緊果種不銹鋼卷墊，唔知應該叫乜野，見佢有白色，平過香港，買個返去，買左一個調味料盒！再返去馬嶋屋菓子道具店，買左兩個模，買完去 Skytree 了！

今日好熱！成身臭汗！終於可以去一個全冷氣的地方了！去返頭先個 Elevator 出口度入，坐一個站去銀座，再轉東寶線TS01，一個站便到 Skytree站，落車果陣又落雨！好在一路在商場，今次唔行咁耐，去目標店買野，買完行左一陣間就落返新宿!

主要去O1O1買衫，買完野去隔離伊勢丹行，第一次去新宿伊勢丹，平時好少去呢邊，呢度有間LV，證明呢邊賣D野貴D！上去睇煲，竟然有LC的楓葉煲同25週年煲，仲有水煲同有蓋的拉麵碗，雖然我唔會買，純粹八掛下！

行完伊勢丹都9點，行左成日，都好累，食D野先，近近地，去上次食過果間ねぎし，食牛舌飯，行過郵局見到絆壽司在這邊開了分店，明晚或者去試下！食完飯去華盛頓酒店訂巴士飛，訂先返酒店休息，明天一早去迪士尼！