川燒

上次去石亭食完日本野，走既時候沿赫德道行，見到有幾家食肆，選定左下次去試，今日就試這家川燒！

呢度係食串燒，之前去過天后果間串串貢，仲有渡船角既龍蝦燒同重慶燒，今次呢間即裝修比較有點日式 style ，因為有好多日本酒，入面既枱凳都係木既，有點像居酒屋，不過有D食物都係川味或者麻辣，而且店名都有個川字，都係四川加日式吧！近門口有一幅玻璃，可以望到店員燒烤既情況，玻璃前面亦有四個 bar 枱位，我地坐近門口，同左右兩枱都好親近！餐牌上既食物選擇都好多，除左燒烤亦有些小食、冷盤、飯、烏冬等，有雖然酒類餐牌有好多選擇，但係其他飲品都係便利店果D樽裝飲品，實在揀唔落手，食燒烤如果有杯有冰既飲品就好喇！依家唯有飲水！

食物方面好多野都想食，但係今日唔太肚餓，我地點左冰鎮芥蘭，係呢度招牌菜，係將去左皮既芥蘭，煮熟左再用冰鎮住，點 wasabi 豉油，雖然好爽身，但係有點苦，可能未係季節，吧！串燒叫了日本青椒仔、牛舌、雞翼餃子、原條粟米、大虎𧎚、羊架、青瓜等，各樣食物都做得好，肉類好 juicy，個羊架好遲先上，好好味，個 sauce 都好夾，餃子雞翼外皮脆卜卜，裡面好多肉汁，牛舌燒得剛剛好，正！這裡的食物燒得好味，飲品就麻麻地，下次或者選擇飲酒吧！