Oceanna

在 Open rice search 尖沙咀區的食肆，選了在諾士佛臺的 Munch，但忘了今天是星期六，加上冇訂枱，自然是冇位，其實成條街都係食肆，有好多選擇，只是多露天位，自然多人食煙，所以最後去了K11地下的這家 Oceanna!

見餐牌有set menu，做緊龍蝦餐，二位 $638，就試試吧！先來意大利香草包，倒些黑醋和 olive oil，香草不太濃，味道不錯，只是那支 olive oil 的瓶身很油，感覺不太好！前菜有龍蝦沙律或煎鵝肝，我們都選煎鵝肝，唔使全部龍蝦，這個鵝肝同時配了兩片罐頭鵝肝，再加一片麵包，兩款鵝肝都好味，麵包就唔係咁好食，d皮幾硬，湯就揀返龍蝦湯，味道唔錯，主菜有波士頓龍蝦伴扁意粉，同埋西冷牛扒，龍蝦揀左炭燒，雖然得半隻但係都幾大隻，意粉份量就太少了，牛扒都好味，甜品朱古力 brownie 就麻麻地，另外也叫了杯 cocktail ，係有 Vodka 既 Nothing，之前在其他地方飲過，呢度好似無咁好飲。