Aspasia - The Luxe Manor

前幾日睇報紙介紹呢間Aspasia，最吸引我既除左食物之外，就係佢位處酒店The Luxe Monor 帝樂文娜公館，間酒店個名成日响尖沙咀地鐵出口牌見到，大概知道呢度以前都係一間小酒店，都去過幾次食buffet，已過唔記得餐廳個名，都想睇吓變成點！

去到門口都見唔到入口，行左去泊車入口，個門口好細，好似入boutique咁，要推門入去，只夠一個人行，入到大堂，有幾張唔同款既凳，裝修幾新潮，小小既 reception ，對面就係兩部升降機，餐廳就响一樓，其實成間酒店只有兩間食肆。

餐廳既裝修同酒店既style好相近，服務員都好好招呼，我地叫左兩個頭盤，兩個主菜，同甜品，餐前既麵包聽講係自家製作，所以滿有期望，雖然做得不錯，卻沒有預期般好，附帶的黑醋和olive oil，亦沒有特別，頭盤先來鵝肝，這鵝肝應該是焗的，有別平時的煎鵝肝，表面比較乾，面頭還有些香草，搶了點鵝肝的味道，不過裏面仍香嫩，伴着鵝肝的小麵包，卻出乎意料的好味，之後是龍蝦沙律，有我喜歡的菜配鮮味的龍蝦，還有柚子汁，清清地，好啱胃口，主菜有服務員介紹的羊架，說是招牌菜，果然有水準，連配菜都好味，還有M8 Dry aged 和牛石燒，說是最近才有的，那片來自意大利的盧塞納石，温度很高，預算人客一邊煎一邊吃，因為我地share食，食得慢，令牛排熟了點，但不失美味，好好味道！而甜品叫了朱古力雲吞，配柚子sorbet，濃味朱古力和清甜的sorbet ，一暖一凍，一濃一淡，為這頓飯劃上完美句號！

驚動了愛情 Remember me

因為有贈券，所以就去睇，正如我估計，唔會特別覺得好睇，主要都係吸引Robert Pattinson 既fans，佢同之前吸血新世紀入面既角色一樣咁淒迷，冷漠，如果話套戲係講愛情，我覺得講親情多d，戲入面，佢同父親關係疏離，與妹妹感情很好，兩人的性格有點怪，有小小情緒問題，而女主角同當差的父親相依為命，隨着二人的交往，改變了Robert 一家的關係，與父親關係大大改善，但結局卻非常出人意表！就像男主角的外形一樣，令人很傷感！

Tiffin

約咗幾次先約齊人，一行六人去食tea buffet，大家都無乜idea去邊度食，原本想去既又無閒日tea buffet，最後揀左灣仔Grand Hyatt既Tiffin，呢度環境都唔錯，雖然有點點舊但仍不失氣派，呢度既客人都比較高檔，以外藉人為主，好多都似响度傾生意，亦有一些叫支酒慢慢飲的客，我地幾個casual wear，同呢度有點格格不入。

始終係五星級酒店，食物質素亦有水準，雖然只是下午茶小食，但種類亦不少，服務也很好，有我喜歡的煙三文魚，雞翼，小籠包，炒麵，雜菜沙律，仲有好多款cake同甜品，雪糕，我地已經無食晏，都食到好飽。

我地幾個人當中，有兩個今年結婚，可惜佢地同一個月，唔能夠去對方既婚宴，雖然大家唔介意去對方既婚宴，但係怕老人家唔鐘意，都係唔好去。真係好可惜！

波斯王子：超時空之戰 Prince of Persia: The Sands of Time

前幾日去睇波斯王子，幾鐘意睇呢d埃及feel既古裝戲，好似阿拉丁咁，總係有種神秘感。

套戲雖然係大製作，有特技，打鬥，愛情，緊有一樣啱你睇，我未玩過個game,唔知劇情同個game有乜唔同，不過特技方面又唔係好特別，主要都係用响打鬥場面，劇情就無乜特別，都係想像得到既，戲入面個匕首可以令時光倒流，又幾有創意，覺得可以多d講呢part應該會好d。

新iphone下個月就出，果然真係每年六月出新機，原本想出返部3GS，貪佢平，都係諗吓先！

基智雙雄 I love you Phillip Morris

依家要隔幾日先log in到自己個blog, 都攪唔到！唯有幾先upload一次，或者一次upload幾編吧！

前幾日去左睇呢戲，見係 Jim Carrey 同 Ewan mcGregor，而且睇trailer覺得個故事都幾攪笑，而且Jim Carrey一向都好惹笑，不過有點失望，雖然兩人都好戲，可惜攪笑又不夠攪笑，故事節奏又太快，有點草草了事的感覺，想用三級位做笑料，卻又過火了一點，如果想入場笑返餐，恐怕令你失望，實在想不到那一場戲最好笑，我諗最好笑應該係Ewan個金髮藍眼嬌柔的造型，其實以套戲既故事，應該可以拍得更好笑！

又多一個朋友結婚，今年喜事連連，真係覺得好開心，唔覺唔覺個個都成長了，好多仲好似好細既朋友仔都話結婚生BB，想唔認老都唔得！