Agnes b DELICES

晚上頭痛得很,忍不到還是要吃止痛藥........吃了藥好了好多,還吃了一碗豬膶粥,今天去了Agnes b DELICES 買了些朱古力,這店在Gateway 的地下,以前好似係See's Candy,店裹地方小小,裝飾得不錯,還放了很多關於朱古力的書,還有售賣朱古力味的蠟燭!我買了一盒8粒裝有8種味道的,也可以有自選的散賣的朱古力,我見有幾個中學生在選購,只見她們的十隻手指都是立體花水晶甲!現在的學校也眞開放!回說那些朱古力,包裝很仔細,買2粒都有盒裝!我買的那盒附有一張簡介,其中比較特別的有薑汁牛奶朱古力,荔枝黑朱古力,柚子牛奶朱古力,檸檬薑黑朱古力,香片綠茶朱古力...........我很喜歡柚子牛奶朱古力,大概因為我很喜歡吃柚子吧!荔枝味吃起來有點苦,可能是黑朱古力的關係吧!只是那種苦味又有別於黑朱古力的苦味!而朱古力的質素與Godiva差不多,比Godiva少甜,好味!

Konditorei Gute

今日本來想去銅鑼灣,最後改變主意去左尖沙咀,第一站係醫肚,去左City Super ,平時多數食日式拉麵,但係想食吓其它野,行入d嗰間南京路,好似未食過,見有醉雞(賣飛佛!)就叫左客配擔擔麵和豆漿,d雞都唔錯,佢比左雞上脾比我,酒味幾濃,個麵就差d,麵條"腍"左d,嗰湯唔辣唔夠香,豆漿甜左dd.

以前嗰間麵包鋪變左另一間叫做Littel Mermaid 的麵包店,還有一個賣蛋糕的corner 叫做
Konditorei Gute,近日多似多左呢類蛋糕店,我叫了一個檸檬批,有點像LGB的那款,只是附帶的膠义太"軟"了,切不開批邊!!!還斷了!!!!當然,吃到口裡不是很硬的,中間的檸檬餡好清香,下次可以試吓其它款.

食完野去左睇聖誕裝飾,今年不大特別,感覺無咁"Warm",無咁"期待"!

熱鬧婚宴

17/11/2007

今日係Jason同Paula結婚既好日子,我地成班約埋一齊去飲,佢地响尖東既潮州城擺酒,新娘好靚,佢用左好多時間預備,安排得很好,酒菜都好好,隻乳豬好多肉,個翅好靚,Ｄ翅都係一塊塊既,好好味.
玩新人時間,個MC阿Ken講野時d人反應不大,我地嗰枱就大聲嘈,最好笑係玩遊戲時,阿Ken話要鬥快攞一對鞋,一條鍊同一副眼鏡出去就有十二封利是,阿Rainbow同Ivan,嘉明三個最快,點知阿Ken將嘉明對鞋掟比我地玩,我地掟來掟去玩一餐,跟住收埋左一隻,係都唔比返佢,到散席時我地都唔理佢,佢捉住我地好緊張咁問,我地要佢比錢先肯話比佢聽响邊,玩到成身汗,好好笑!我都未試過去飲玩得咁癲!

今朝經過又一城,見聖誕樹已整到七七八八,今年佢地終於放棄商標嗰條紅絲帶,今年都好白雪雪,睇個勢會提早做promotion咁.

約會林史廸

今日同阿林史廸(史廸仔)去旺角行街,見佢阿媽呢排無帶佢去街,你睇佢呢身既做型,真係好攪笑.
我地响Delifrance食lunch,我叫左個焗豬排飯,等左好耐,一路等一路幫史廸影吓相.....終於有得食喇,唔.......d 豬排好"腍",味道OK啦!

跟住去左朗豪坊,果度佈置得好有氣氛,無去幾星期,H&M開左,Seibu裝修完加大左個化粧品部,有兩間Shisedo,兩間Anna Sui, 我去SK-II睇,買左eye cream, 好貴!個sales姐姐叫我買mask, cream.....我話唔使,太貴了,見eye cream 口碑幾好,又幾大樽,之前用過好多個牌子都唔理想,就試吓佢啦....跟住上四樓申請左張朗豪坊LP卡,然後去Bioderma買落粧水join member又有迎新禮物送,收獲都唔少,之後去H&M行,好多人,行左一陣就走,出到黎好似凍左好多咁..........

病了!

9-11-2007

我和電腦都病了!

今日終於整返好個modem,可以上到網!

我又病了!又係腸胃炎!!攞返上次d藥食,瞓左成日,依家好d!

前幾日經過又一城,見佢地開始整聖誕樹,每年都係十二月一號開始做promotion,年年都係禮物籃,到時睇吓今年送d乜先!

La Fayette 老佛爺風味坊

1-11-2007

今日凍左好多,可能過幾日又會熱返,行出街,有d人着短袖衫,有d人戴泠頸巾!

睇雜誌介紹呢間老佛爺,去試吓個無骨海南雞飯,依家好難食到好味既雞,肉類我多數食雞,所以見到張相好似好正,咪走去試吓.去到禮頓道都好易揾到,不過都有小小唔就腳,入到去見d人响到傾野試野,可能係新開既,有d野要fine tune吧! 裏面有三枱客,有d兩人卡位,好新淨,我見有個小小玻璃房,大概可坐十人左右,有TV睇,主要係播碟,至於個海南雞飯,啖啖肉,都幾好味,比起一般食肆好味,唔太肥,個飯幾好喎,無咁油,可能係用珍珠米啦,個飯叫椰香珍珠米菜飯,比較清d,而點雞既豉油係辣既,食完好口渴,可能d豉油有味精,呢度仲有西餐食,下次再黎試吓.

食完飯過左對面蘋果商場行吓,以前去過既水晶店仍在,個老闆娘唔記得個名,見佢show 左兩條紫鋰輝出來,幾大粒吓,入去見有幾個女人睇緊野,佢認得我,同我打個招呼,果幾個坐响度既女人,有一個帶住條假既黄晶,老闆娘叫佢除出黎睇,我見到條水晶帶點青綠色,都好假吓,跟住見到佢入左批紅紋,我即時雙眼發光!!!!雖然批紅紋好靚好大粒,不過無我喜歡既圓水桶形同帶白紋既款.

跟住去左Timeplus, 第一次去,個格局好似細左d既金堡,無乜特別,見到"皇族有禮"有分店响度,見到間shop無人 close左,睇show window ,見到條圓水桶形帶白紋既紅紋!!!!!!!!!!

小肥羊

30-10-2007

尋日過左個好happy 既birthday, 首先收到靚靚玫瑰+什果黑森林蛋糕,個蛋糕好好味呀! Thank you so much !!!!!!!!!!!!!

夜晚約左Suen, Rainbow, Tin, Ronald 一齊去小肥羊打邊爐, 叫左羊肉片,海鮮拼盤,牛肉粒等等......Ronald話响小肥羊打邊爐d湯夠鮮味,所以唔使點豉油都有味,mmmm.........D味都OK既,唔係好慣無野點, 個湯底有好多蒜頭!

食完飯佢地攞左個雪糕蛋糕出黎!!!!!!Ronald 好强調個款係佢揀既,佢話買嗰時問個店員個圓型同心型蛋糕有乜分別?個店員話分別係一個"圓型"同一個"心型"囉!!!!!!!!跟住佢話揀心型有原因架(佢又飲多兩杯開始爆佢d心底話!!)佢話因為敬重我!佢真係好可愛!個蛋糕好難切~~~將把刀浸完熱水都切唔開,攪左好耐先切到,好攪笑! 我地重影左好多"錫錫"相添呀!重有重有,高偉同Sunny佢地買左兩包蘋果比我做生日禮物呀!

Anyway ! thank you for everything you guys did ! I really appreciate !

$10 特賣場

28-10-2007

今日去左旺角hea左半日,雖然早晚都涼了,但係下午仍然有點熱,條街咁多人,最好揾個地方hea,我就去左冒險樂園玩左一陣,想用d票換野,又唔多啱使,想換果d又唔夠票數,留返遲d先換. 跟住上左樓上間吉之島$10店行,我行左好耐好耐,佢好似迷你版既spotlight 咁,當然冇spotlight咁多選擇,但係都好多野賣,大部份都係$10,我見d Pastel bowl 好靚,原本想買粉紅色呢對,我又覺得佢太細,見到d水杯,水樽都好colourful, 見個迷你鐵板燒都想買,圓形嗰果好似好d,但係寫住唔可以"省"佢,咁係咪會甩油架?四方形嗰個有手柄都幾方便,但係燒野食時d汁咪漏晒落個火度?我見佢個圖重係用平面電磁爐tim ?????之前見過d迷你炭爐,佢呢度得迷你炭,無個爐!!!!!!!!!give up啦 !!!!最後我都係買左洗衫袋,膠盒,儲衫袋呀咁,都買左成$120,比錢時個男店員問我有冇J 咭?我話冇,佢停左手望住我,我望吓佢"好面善"!佢問我認唔認佢,我望吓佢個名,記得佢曾經响我公司做過part-time,記得個名唔認得個樣!

Hea 完去左朗豪坊揾食,上左12樓Ozone 聽 live, 好耐冇聽過 live music, 今晚唱歌個男仔叫吳彤,依家d年輕人,多左好多機會去尋找自己的夢想,真幸福!!!!聽live真係個feel好正,加埋背後d燈+則面d流水+陳奕迅既慢歌............So Romantic !

夜晚收到亞孫既SMS,佢話已經係第三年同我過生日喇!佢送左條scarf 比我,好開心,可以成班一齊聚吓已經好開心,我希望大家可以keep 住呢份友情,好多朋友因為轉工,拍拖,結婚,生BB而漸漸少見,各自有自己的生活圈子而日漸生疏,就算有聯絡都可能係一年見一次半次,甚至可能更少.......!

18樓BBQ

27-10-2007

今日去左Suki屋企BBQ, 我以為佢住村屋,原來住大厦,上到佢18樓既屋企,原來佢屋企有個大露台,對正對面係公屋,感覺好特別,不過我唔敢行咁出,驚驚!

Suki買左好多野食,有大大隻既蝦,大眼雞,雞翼,金沙骨,腸仔,魷魚,腎,牛丸,青椒,金菇...................我同Suki,Moon, Rita 一路食一路傾吓計,都幾relax,食完野又同佢嗰三隻倉鼠玩,好難捉到佢地,就算有野食都引唔到佢地,佢地動作太快喇!

食完BBQ出去旺角揾Gary 同阿魚,點知阿魚話要返屋企湊女,唔出黎,我地唯有行住街等阿孫,點知行行吓遇見Gary !佢話約左阿魚一齊返去.........!我地去左元綠食住等,阿Cool 黎先,跟住阿孫先到,我地屈左阿Cool請食飯,然後去左發記食甜品,一人一碗榴槤飄香,然後Cheers !!!!!!Happy birthday !

呆

這幾天身心都很疲累,昨天早上買了個蕃薯麵包,$10個,賣點是內有原個蕃薯仔,外型也像個蕃薯,味道唔錯,我以為食完會好飽,原來都唔係.

夜晚去超市買菜,遇見Vincent ,他竟然對我說"生日快樂",真令我感到意外,雖然我未生日,但係估唔到佢會記得! 之後去超市買菜,最近我成日買有機芥蘭苗食,我鐘意食芥蘭,但係唔鐘意粗身嗰d,要切細黎炒,芥蘭苗就啱晒,嫩d,又快熟,炒牛肉就最啱!不過我見到有豆苗賣,又到冬季先有得食,即刻買包返去食!

尋晚瞓左十四個鐘......好似將成個月既疲累一次過瞓夠咁,起身時個頭暈暈地,好想繼續瞓,我唔想瞓咁多,起左身個人都呆呆地..........zzzzzzzzzzz

今晚去酒樓食飯,去酒樓之前見到美心出左d Halloween既蛋糕同甜品,想食d甜野,就買左個 jelly 杯,佢地d蛋糕靚左好多,但係好似無咁好味!去到酒樓,覺得好凍,叫左飽魚,蒜蓉蒸海蝦,椒鹽泥鯭,蟹粉小籠包,蒜蓉豆苗,好飽呀!飽到個人呆呆地........!

快樂尋回犬

一部未睇已經知道會睇到喊既電影,男主角我覺得好熟口熟面,我知道他演過"愛、回家",但我沒有看過這電影,後來想起他演出過"悲傷戀歌",演男主角的童年角色,講返呢套戲,劇情有點"老土"但狗狗的遭遇很令人同情,它的死更令人忍不住哭起來,眼淺的朋友最好不要看,原本我想睇合約情人,只是時間不合.

睇完戲去左Log on 行,見多人排隊買野,原來係Apple 電腦,d店員忙於交貨給人客,我聽到那店員問一個女人,係咪要$9400個部?有貨呀!你排隊比錢啦!!香港人真係有錢, 成萬銀都排隊搶購,半小時已經有十多人買,真不知一天會賣幾多? Apple 的電腦外型確很型,或者將來換機會考慮佢!

200 - EVAN ALMIGHTY

200 篇網誌了! 寫這200篇網誌前後近三年了,再睇返D舊既網誌,好多事好似無幾耐之前發生,卻原來已經兩三年了!時間過得真快!!

今天看了Evan ALMIGHTY 這電影,願先抱着看笑片的心情去看,看完卻有點感動..................戲中男主角因上帝要他跟創世紀第六章十四節,像挪亞一樣做方舟,人人都以為他儍,他的妻兒也離開他,當他妻子在食店的電視見到新聞報導其夫的"怪行"時,上帝出現了,他化身成侍應,借故與她交談,她訴說着丈夫的問題,上帝說 (不太記得對白,內容意思大概是這樣) :
"這聽起來是個機會!",
"人們祈求耐性,上帝是否該賜予他耐牲,抑或表現到耐性的機會?, 人們祈求勇氣,上帝是否該賜予他勇氣,抑或表現勇氣的機會? 人們祈求一家團敘, 上帝是否該賜予他感暖感, 抑或令他們團結一起的機會? "
短短幾句對白,令她恍然大悟,也再次提醒我,面對困難時所抱的心態,片末有一埸所有動物雙雙對對的上船,那場戲不知怎的,令我很感動,可能是男主角受盡白眼,排除萬難,終能令方舟建成,那一刻的成功感,使命感,有點感同身受, touching!

腦年齡

29/8/2007

我個 friend send 左條 link 比我玩腦年齡測驗, 登入後先按 Start, 321後記住圈圈裡面的數字,數字消失的時候, 再依照數字由小到大去按 在圈圈上,玩十題,試吓啦! 測試結果話我腦年齡係20歲呀!!!!

http://flashfabrica.com/f_learning/brain/brain.html

蒜蓉牛油焗雞翼

27/8/2007

前日抽唔到獎,我買嗰兩個銀包就比阿民同阿天抽到,阿民上次抽到LV銀包,今次又抽到Gucci銀包,真係好彩!

尋晚好想食雞翼,我諗起以前响金鐘返工,最鐘意食名都酒樓既蒜蓉牛油焗雞翼,每次我地都要食,都好耐無去過名都飲茶,我淨係食佢地既迷你月餅,無咁甜,同埋比較"乾",細細個,唔太"漏"!

等我試吓自已整焗雞翼,個焗爐都好耐無用過,我自已"刴"蒜蓉 (手都軟!), 加牛油同小小盬黎焗,不過焗得唔夠脆, 我見d蒜蓉開始有d燶,就熄爐,其實可以焗耐d, 但係我好肚餓,忍唔住要食啦! 味道都OK啦, 當然無酒樓嗰d咁好味啦!

老點遊戲

到我比公主老點!

遊戲規則如下:

A.　必須點名至少8個人，要用盡辦法通知各人參與這個遊戲， 人數不夠的話就少點，2個以上就行。B.　被點名的人不可重複被點，每個人只可玩一次。C.　回答問題當中時，需自行刪除一個不喜歡的問題，更 新一個新的問題，然後點名其他人來玩... 如此延續這個遊戲。D.　答案需在各自的blog內公佈。

開始遊戲:

寫出填寫日期：August 26, 2007 (HONG KONG TIME 0 : 48PM)

1.如果30歲還嫁不出（娶不到）你會怎樣？
答 : 我30歲前嫁咗啦

2.如果有機會可以讓你重回一個時間，你會選擇回到那個時間？
答 : 12歲! 升中努力讀書!

3.你介唔介意人地點睇你?
答 : 基本上無所謂,睇吓嗰果係乜人?

4.如果唔駛返學/返工你會點呢？
答 : 四圍去,去d一直想去又無機會去既地方.

5.　如果中3800萬獎金，你會怎麼花？ (新問題 )
答 : 比d錢屋企人, 然後買樓 ! 去旅行 !

6.你最怕的事情？
答 : 病!

7.你覺得邊件事係令你最難忘既？
答 : 太多啦!

8.這輩子最想去的地方？
答 : 印度

9.你能放下現在的生活，去鄉村或其他城市重新開始嗎？
答 : 視乎

10.　最愛的食物：
答 : 桃

11.最愛的顏色：
答 : 綠色

12.　最愛的休閒：
答 : Massage

13.　當你遇見一個想結識的人會說什麼:
答 : Hi ! 你咪係.............我係咪識你架?

14. 現在最想做的事?
答 : Massage !!!!

15.　最愛的口頭蟬：
答 : So ? than ? well ?

16. 最喜歡的地方:
(新加)答 : 廸士尼

17.　最愛的季節：
答 : 秋天

19.　最了解我的人：
答 : Ricky

20.　最愛的私人時間：
答 : 在炎夏的晚上,開行冷氣睇雜誌/書

21.　最想見的人：
答 : Edmond

22.　愛的定義：
答 : 無條件付出

23.　心中嘅目標：
答 : 健康活到七十歲,然後有一晚瞓瞓吓死左!

24.　家下嚟緊最想希望嘅嘢
答 : 中六合彩頭獎

25.　最喜歡的地方：
答 : Home !

26.　當你好沮喪的時候，你會選擇做 D 咩?
答 : 自閉

石鹽 Halite

23/8/2007


見到呢張石盬既相,覺得有d可惜,因為佢已經溶左!!!!我雖然無跌左佢落水,但係無同佢做防潮,响三月最潮濕既日子,佢就溶左啦,無晒d"角",變左圓圓地,佢週圍既野都變左好似比一層盬幅蓋左咁,都好難買番咁靚既做型囉!

今日出左尖沙咀買禮物,行到腳軟,所以我响五個鐘頭內食左三餐補體力!哈哈哈........先食左碗牛什麵 (唔記得試吓嗰度最出名既"怪味雞"tim!) 然後去左LV, 嘩!勁多人.....排隊呀!所以我give up 唔買LV ! 去左Gucci , Prada , Vivienne Westwood, Agnes b......... 睇睇!睇到肚餓再去左City super 食左個冷烏冬配八爪魚丸,d烏冬好長,好難夾黎食!食完我去左銅鑼灣,又係勁多人!老實講,d名店係無Service可言!d態度冷漠,唔志在,無笑容!但係d人好似唔使錢咁!排住隊去買!我唔係有任務在身真係唔會去!又多人又唔夠冷氣,同人"逼"左一輪先買到!梗係要食d野先啦!哈哈.......跟住去左許留山!食左咖哩什錦同埋金撈爽.........爽呀!

煎釀青椒

21/8/2007

連日來收到大家的鼓勵,很多謝大家的關心,在此多謝大家!

係時侯整d野食吓,獎勵自己 (為食藉口!),好想試吓整煎釀三寶,但係買唔到長青椒 (夠辣!) 所以買左燈籠椒,因為一包有三個,所以唔整矮瓜,太多食唔晒,我用魚肉加豬肉來釀,味道唔錯.

今日阿民揾我食飯,食食吓有隻大曱甴响我地附近走來走去,嚇到我地坐唔安食唔落,即刻調位,但係佢又跟住我地,好彩有個侍應埋去處理左佢,我地先放心d,下次都唔會去!

邁向新的一天

18/8/2007

今日開始,新的環境,新的人和事,我帶着亞孫送給我的史廸仔掛錶,開始我的新生活,收到很多很多的朋友SMS和 email,很感激他們的關心,希望他們都快樂地生活! 今日同阿偉食晏,去左飲茶,好耐無去飲茶了,重要係有點心車既酒樓,好開心,阿偉須然一直都無表示,但係佢好有心, thanks Wai! 我地可以一齊去旅行啦!出年可以去啦!!!!!!!!!

寫我心情

9/8/2007

下着雨的晚上,像我的心情一樣,離別在即,心情難免依依不捨,心裹充滿着矛盾,雨後會有陽光嗎?還會見到彩虹嗎?這幾年的風風雨雨,波折重重,都一一渡過了,我記得小學畢業那年,老師在我的紀念冊上寫"勤勞雖有苦味的根,卻有甜美的果實"我想,那苦味的根已長出了甜美的果,只是我還未嚐到.........!早已知道今年會很難過,撑了七個多月,還是撑不下去,面對未來的日子,眼前只有一片空白,唯有寄望明天會更好!

雙喜臨門

7/8/2007

尋日係好日子,我個 friend 阿 Janet 結婚, 而另一個 friend 阿魚同 Gary 既BB女出左世啦! 成3.5 kg,算幾重磅, 不過我去唔到飲,又去唔到醫院睇BB,睇吓明天可否去探BB, Gary 好開心,零晨六點幾SMS比我話入院, 八點幾就生左,好快,尋晚同阿魚SMS 互報現况,好想快d見吓佢, 雖然我成日叫佢地唔好生 (地球污染越來越嚴重!依家已經熱到35度,第時無冬天,下一代既生活唔知會點?) 不過都"鄧"佢地開心,希望BB健康快樂!重要諗吓送乜野比佢地好.

前兩日同Suki 食飯,一坐就三個幾鐘,一講起阿孫就覺得好痛心,唔明佢究竟點諗,希望佢可以成熟d.同Suki講開去玩,佢話想去 Ocean Park, 我就話想襯昂坪無吊車坐,去昂坪玩, 唔使驚坐吊車,佢就反對,我想話不如再去廸士尼..........我驚佢話我傻! Anyway , 到時再約啦,其實我都同佢去過2次,都玩得好開心!我成日都睇我地成班同小熊維尼影嗰張相........當時個個都好開心!