今日凍左好多,可能過幾日又會熱返,行出街,有d人着短袖衫,有d人戴泠頸巾!
睇雜誌介紹呢間老佛爺,去試吓個無骨海南雞飯,依家好難食到好味既雞,肉類我多數食雞,所以見到張相好似好正,咪走去試吓.去到禮頓道都好易揾到,不過都有小小唔就腳,入到去見d人响到傾野試野,可能係新開既,有d野要fine tune吧! 裏面有三枱客,有d兩人卡位,好新淨,我見有個小小玻璃房,大概可坐十人左右,有TV睇,主要係播碟,至於個海南雞飯,啖啖肉,都幾好味,比起一般食肆好味,唔太肥,個飯幾好喎,無咁油,可能係用珍珠米啦,個飯叫椰香珍珠米菜飯,比較清d,而點雞既豉油係辣既,食完好口渴,可能d豉油有味精,呢度仲有西餐食,下次再黎試吓.
食完飯過左對面蘋果商場行吓,以前去過既水晶店仍在,個老闆娘唔記得個名,見佢show 左兩條紫鋰輝出來,幾大粒吓,入去見有幾個女人睇緊野,佢認得我,同我打個招呼,果幾個坐响度既女人,有一個帶住條假既黄晶,老闆娘叫佢除出黎睇,我見到條水晶帶點青綠色,都好假吓,跟住見到佢入左批紅紋,我即時雙眼發光!!!!雖然批紅紋好靚好大粒,不過無我喜歡既圓水桶形同帶白紋既款.
跟住去左Timeplus, 第一次去,個格局好似細左d既金堡,無乜特別,見到"皇族有禮"有分店响度,見到間shop無人 close左,睇show window ,見到條圓水桶形帶白紋既紅紋!!!!!!!!!!
沒有留言:
發佈留言