去完迪士尼出嚟，會合好友去尖沙咀食飯，我哋早咗去到，所以四條友去咗諾士佛臺飲嘢，一人飲咗一杯嘢，坐咗一個鐘左右就夠鐘，呢間餐廳我哋一入去，見到個裝修格局就覺得好似我哋之前去過佐敦嗰間，跟住好又話認得個店員好似係之前喺佐敦，所以直接問咗佢，原來佢同佐敦嗰間嘅老闆係兩兄弟，一人做一間，唔怪得一樣有原個 Parmigiano Reggiano 芝士整意粉！呢間仲有歌手喺度唱歌，係行埋枱唱嗰隻😆
我哋叫咗一打生蠔，佢而家買一打生蠔會送一支白酒，我哋五個好快飲晒一支，等好友嘅女朋友到埋，又叫多一打生蠔😆又送多一支白酒，我哋又帶咗支紅酒嚟，主菜我哋叫咗威靈頓牛柳、豬手、卡邦尼意粉、豬扒、兩個pizza，個意粉少得可憐，基本上六個人係每人一箸😅😅到切蛋糕環節，店員都裝飾一下隻碟，先至放個蛋糕上去，然後個歌手就埋嚟唱生日歌，店員仲幫我哋影相拍片，十足十海底撈咁，非常搞笑🤣🤣 不過都好開心，呢餐都唔平，我都唔係幾好意思🤭
沒有留言:
發佈留言