泰屋

前幾日即興約食飯，就約咗今晚，出去旺角食，早兩個禮拜先去過呢座大廈食越南嘢，今日就去佢樓上食泰國菜，好彩我哋訂咗位，因為都爆曬場，我哋叫咗鳳爪、魷魚鬚同埋豬頸肉食住先，因為好友嘅女朋友未到，我哋吹住水，人齊嘅時候就叫咗生蝦刺身、冬陰功湯、沙嗲串燒、生菜包、炒芥蘭、燒魚、豬手、甜品拼盤，除咗個湯之外，其他都唔錯，個湯唔夠辣，個魚就好好食，因為好友最近失業，所以約出嚟傾吓偈，睇吓有冇乜嘢好路數可以介紹俾佢，不過佢唔使返工嘅期間都好忙，所以佢可能遲啲先至再去搵工，本來想話一齊去旅行，可惜夾唔到時間🥹