銅羅

又去食泰國菜，上次想食呢間但係因為落咗場，今次早啲去就可以食到，不過午飯時間就比較多人，好彩都有位，店入面嘅座位唔多，格局都好有舊舊地又有啲泰式地道嘅感覺，而且有好多電影海報，有啲係港產片，但係寫泰文，亦都有啲電影相關嘅嘢做裝飾，例如一啲菲林同雜誌，我又叫咗一客生蝦刺身，呢間嘅生蝦刺身同平時食嘅泰式沙蝦刺身造型有啲唔同，平時嗰啲會喺隻蝦生中間切雙飛，佢呢度就冇切，就咁成隻剝晒殼擺喺度，不過我覺得佢呢間嘅生蝦就麻麻哋，肉質好唔同，我唔知係咪因為個切法唔同有影響，定係根本佢哋用嘅蝦係唔同😅 總之就係麻麻哋，冇平時食嗰啲咁爽口，另外叫咗一個蛋咖喱炒蝦配烤餅，呢個就幾好食🤤 其實見到佢有好多嘢食都好吸引，不過真係食唔到咁多，下次搵埋朋友一齊去食！