今晚出尖沙咀食飯，先去美麗華間coffee shop度會合，叫咗兩杯嘢飲同埋一份雞翼，味道都OK，唔敢食咁飽，因為陣間要去食海鮮！
跟住去食蒸海鮮，間店舖嘅位置都幾隱蔽，我哋原本訂咗7:30 ，提前咗半個鐘頭去，去到只有兩枱客，都係講國語嘅，餐牌有幾款套餐選擇，因為大家都唔係太肚餓，所以揀咗個最平嘅套餐，少啲嘢食，不過佢都有魚、蝦、蟹、龍蝦、扇貝、青口、蠔、螺，加埋個粥，都好夠食，海鮮都好新鮮，而且啲貨都幾靚，係個蠔爭少少，店員話佢哋海鮮係自己海鮮檔攞，所以係靚貨！都食得出好新鮮！成晩只有幾枱客，多數係遊客，而家香港嘅市道真係麻麻哋，特別係食店，真係唔易做！😅
沒有留言:
發佈留言