福田 Coco Park

又又又返大陸，今次同好友共四人👩🏻‍🤝‍👨🏼👭🏻去福田，先在深圳集合，我和一個好友在九龍塘集合左一齊搭火車，另一pair就早小小上去，我地keep住WhatsApp 聯絡，好友的男友有事要返一返香港，而好友見我地未到就走左去按腳🤦🏻‍♀️ 要等50分鐘，咁我地唯有行去香格里拉飲杯咖啡先，大堂間coffee shop 價錢唔平，但見到佢地用 Nespresso capsule 。。。🤦🏻‍♀️🤦🏻‍♀️果然係唔好飲！

等好友的男友上返嚟會合我地，就一齊搭的士去福田 Coco Park，呢度之前嚟過，係一個唔錯嘅商場，我地搵左間coffee shop 在書店內的，叫做 Sisyphe 西西弗書店，樓下是書店，樓上是coffee shop ，不過樓上冇乜冷氣，見佢加左冷風機都幫助不大😅 叫左幾杯野飲，坐左一陣就去商場行吓！玩吓夾公仔。

行到咁上下就去今晚目標餐廳”大鴿飯”攞飛先，再去行吓，呢間飯店超多人等位，入口有個巨型燈籠，我地張飛排左一小時多D，店員話等位多於一小時會送返隻乳鴿比我地！👍🏻 另外佢哋落咗單之後會放個漏斗喺度，個作用係計時半小時內要上晒菜，如果遲過半個鐘頭都上唔到嘅菜會唔收錢 👍🏻 我哋叫咗佢嘅招牌松露大鴿飯、椰子燉乳鴿湯、石鍋蟹黃豆腐、鹽焗鴿，風生水起撈乳鴿，每個餸都好好食，我哋仲有叫咗啲飲品，食得好飽，價錢好抵🤭