今日雖然聖誕節，但係大家都冇乜節目，約埋好友一齊食個晚飯，去咗大圍呢間小菜館，因為大家都想食羊腩煲，店入面嘅座位都唔算好多，分咗兩邊，一邊有樓上，我哋就坐樓上嗰邊，叫咗幾個小菜，當中最好食嘅係薯仔牛柳粒，個薯仔外脆內軟，仲有D甜甜地，應該佢喺撲粉之前落咗啲糖，所以甜甜地，外皮又脆脆地，幾好食！另外叫咗椒鹽鮮魷同埋腰果炸豆腐，羊腩煲就另外加咗豬膶同埋牛肉嚟淥，整體呢度啲食物質素都唔錯，價錢合理，抵食！
今次同好友一家人一齊嚟食，主要都係想傾吓原先我哋plan咗七月去旅行，但係經過今年七月同朋友去大阪嘅經驗，七月天氣實在太熱，所以我拒絕咗，佢哋話要夾小朋友放假，聖誕又唔得，而復活節我又plan咗同朋友去九州，可能要等到再下一年嘅復活節先得喇😅
今次同好友一家人一齊嚟食，主要都係想傾吓原先我哋plan咗七月去旅行，但係經過今年七月同朋友去大阪嘅經驗，七月天氣實在太熱，所以我拒絕咗，佢哋話要夾小朋友放假，聖誕又唔得，而復活節我又plan咗同朋友去九州，可能要等到再下一年嘅復活節先得喇😅
沒有留言:
發佈留言