增煇 / 貴族甜品

又到一年一度聖誕聯歡，約咗同事一齊出嚟食飯交換禮物，今晚又去深水埗食小菜，呢間幾年前嚟過一次，今次嚟坐返同一張枱，我哋叫咗兩款小食，一路食一路等齊人，一個係薑蔥撈魚皮，另一個係花枝釀皮蛋，魚皮好好食，皮蛋我就唔食喇🙅🏻‍♀️ 人齊之後就叫咗燒鵝、胡椒豬肚花甲、豆豉鯪魚油麥菜、豉油王炒麵、椒鹽鮮魷、蝦仁炒蛋、炸豆腐、魚香茄子煲、鹹魚雞粒炒飯，啲嘢都幾好食，食完飯就交換禮物，呢一part每年都係得啖笑，抽抽埋埋啲嘢都冇用😅出年都可能抽現金算數🤣🤣

食完飯又再去食甜品，行遠少少去咗呢間貴族甜品，叫咗好幾款唔同嘅嘢食，有啲係即叫即做，所以都要等得耐少少，不過味道都唔錯👍🏻，走嗰陣仲有少少落雨添！我都係飛的士返屋企😂