新屋整得好靚，佢之前話個廁所位置唔理想，所以將個廁所改裝咗，我睇睇下發覺佢屋企個間隔同我屋企都好相似，只不過佢個單位再大少少，如果佢個廁所未移位之前，基本上同我屋企嘅間隔係一樣！
好友買咗海鮮同埋牛扒🥩，海鮮嘅款式好多，有蜆、蟶子、鮑魚、蝦🦐、東風螺、北寄貝，除咗牛扒全部都係蒸，煎咗兩塊牛扒🥩好好食，海鮮又夠新鮮，我仲買咗蜜瓜，又有生日蛋糕🎂，又拆咗D手信嚟送酒！
我哋仲開咗支威士忌🥃，係一支冇年份嘅響，同埋一支飲剩少少嘅17年響，大家食得好開心，今日仲要慶祝屋主生日，佢同另一好友兩個係咁飲威士忌🥃🥃，唔覺唔覺兩個人飲晒一支🫣，兩條友都飲到醉醉地，我哋又傾出年旅行嘅計劃，但係有兩個好友話冇錢，最後我哋話平平哋，四月去台灣幾日！
我哋食埋蛋糕之後就走，但係好友已經醉咗，我哋夾佢落去攞車，再車佢返屋企，沿路佢又行唔到條直路，好好笑，全程又影相又拍片，送咗佢上車之後，屋主返到屋企都攤咗喺梳化度，因為佢兩個飲得最多，夠晒盡興😂😂
屋主最近轉左工，都冇同我哋講，都係佢女友話俾我哋知，不過睇得出佢唔係太開心，遲啲等佢肯講先再同佢傾吓！🤛🏻
沒有留言:
發佈留言