藝遊坊

今個中秋，見有夜繽紛活動，灣仔有無人機表演，所以都要去睇一睇，去到灣仔碼頭，都好多人，之前嚟過呢個公園都覺得呢度環境唔錯，今日都唔係太熱，去到公園因為無人機綵排緊，所以入唔到藝遊坊，先去一去廁所，D流動廁所好污糟，一係冇水沖，一係塞到瀉🤮🤮

入去遊藝坊都要排隊入，條龍都非常之長，不過都keep住行，所以唔使等好耐，入到去其實都係一般市集嗰啲攤檔，我亦都冇乜興趣，因為主要係睇無人機表演，等到差唔多夠鐘就行去比較中間D位置，無人機開始表演嘅時候大家都好興奮，我好期待睇佢砌個獅子山出嚟，點知今日嘅表演同尋日係唔同，可能因為尋日係國慶，今日嗰啲圖案比較簡單，而且表演一時間好短，只係10分鐘！睇完即刻走 😅😅