Beans

尋日去完葵芳食晏，今日又去葵芳！😄

今日食西餐，成日都會經過呢間餐廳都係第一次嚟食，餐廳嘅格局都幾文青，木系傢俬，而家好多咖啡店都係咁樣，今日雖然星期日，雖然要等位，都係等一兩張都好快有位！我哋坐嘅位置係面壁位，雖然座位係冇得挨，不過對住假竹林，都唔錯！

餐牌嘅選擇都幾多，主要都係一D意粉、沙律、Pizza，我哋叫咗一個比目魚忌廉周打龍汁意粉同埋一個燒烤醬烤雞 mozzarella pizza，仲叫咗兩份薯條，我就叫咗杯玫瑰咖啡，好友就飲花茶，食物嘅味道都唔錯，而且份量都唔細，可惜只有一個鐘時間食，下次搵日放假去食下！

今日買咗新玩具，係Insta360嘅X3 ， 360到相機，真係好開心，自從買咗佢嗰支自拍棍 Flow ，就愛上呢個品牌，早前已經買咗 Go3，而家趁低吸納買埋支X3 🤣🤣🤣