魚治

之前上YouTube睇片介紹呢間日本餐廳，今晚相約好友們一起去試，餐廳門口嘅位置已經擺咗餐牌，餐牌係畫圖畫形式展示食物樣版，但係個店入口好矮，要”捐”入去 😅

餐廳嘅地方唔算好大，不過D 餐牌好日本，因為訂咗枱佢都有張紙寫住定左貴姓，全部都係日文！同埋佢啲餐牌好似日本咁，有張紙寫咗今日有乜嘢特別海鮮，不過有D魚已經賣晒，我哋叫咗四隻日本生蠔、一夜干、燒粟米、刺身七点、和牛三文治、燒厚切牛舌、滿足壽司、燒魷魚、甲羅燒、炒野菜，食物都唔錯，不過份量細D，甲羅燒我哋只係叫咗一個試吓，因為驚一次過嗌四個，如果唔好食就嘥咗，結果真係唔係太好食，因為好鹹！剌身同圖片相差好遠，最好食係條一夜干同埋厚切牛舌！

食到8:30 有表演，其實每晚都有，就係用一D唔記得咗叫做乜嘢草，去燒魚生片，燒完再分比每枱客，不過睇個樣已經知呢隻魚生片係麻麻哋，事實上真係麻麻地，有少少腥！純粹貪得意睇吓個表演！下次可以考慮試吓食其他嘢！因為好多嘢睇落都好吸引，但係我哋食唔到咁多！