啱啱買咗新相機，今日去九龍城影吓相，先去咗南角飲我最鍾意嘅斑蘭椰子咖啡，然後去太子道中間果個世運公園影吓相，不過天色唔係太好，而且開始有少少落雨，所以影咗一陣就走啦，加上我唔記得咗張卡原來冇乜Memory，所以都係唔夠Memory影，行返過去南角道果邊，見到呢間小店，之前已經見過，因為食飽咗先見到，所以冇去到時，後來又忘記咗佢，今日行過又諗起佢，我記得佢門口神神秘秘咁，因為睇唔到裏面，只有一個好細嘅窗，望到裏面係一間賣日本瓷器嘅店，後面係咖啡店，門口餐牌主要係一D甜品同小食，同埋茶類嘅飲品，仲有兩款麵，就入去試一試佢先！
先睇一睇嗰啲陶瓷餐具，價錢都幾貴，應該係人手做獨一無二嗰種，不過藝術嘅嘢，未必個個啱口味，我就冇乜嘢吸引到我，直接去餐廳，餐廳嘅裝修有少少文青味道，有啲舊舊地嘅傢俬，燈光亦都係比較昏暗，餐牌都係門口嗰一個，揀咗一款甜品同埋一款茶，因為頭先已經食咗意粉，仲有啲飽，所以簡簡單單食少少嘢，純粹想試一試佢，叫左一個叫做花盒嘅甜品，同埋叫咗一個焙煎濃香蜂蜜麥茶，個甜品我覺得甜咗少少，茶嘅味道都好清淡，簡簡單單，感覺都唔錯，下次可以試吓其他食物 👍🏻👍🏻
先睇一睇嗰啲陶瓷餐具，價錢都幾貴，應該係人手做獨一無二嗰種，不過藝術嘅嘢，未必個個啱口味，我就冇乜嘢吸引到我，直接去餐廳，餐廳嘅裝修有少少文青味道，有啲舊舊地嘅傢俬，燈光亦都係比較昏暗，餐牌都係門口嗰一個，揀咗一款甜品同埋一款茶，因為頭先已經食咗意粉，仲有啲飽，所以簡簡單單食少少嘢，純粹想試一試佢，叫左一個叫做花盒嘅甜品，同埋叫咗一個焙煎濃香蜂蜜麥茶，個甜品我覺得甜咗少少，茶嘅味道都好清淡，簡簡單單，感覺都唔錯，下次可以試吓其他食物 👍🏻👍🏻
沒有留言:
發佈留言