Add+

之前預約咗今日去M+博物館，我哋提早一個鐘去到，當然係為咗食飯啦！😄 我冇上網睇到M+嘅資料，不過我相信佢點都會有食肆，就算博物館入面冇，我知道西九呢個公園都有餐廳，因為之前都去過，博物館入面除咗呢間餐廳，見到仲有一間咖啡店，呢間餐廳都幾大，我哋12點去到就有好多位， 餐牌嘅食物選擇都唔少，我哋叫咗 set lunch，前菜有煙鴨胸同埋柚子鮮蝦沙律，主菜有烤豬腩肉，同埋煎雞扒，另外仲叫咗一籠叉燒包，食乜都OK，不過D店員比較新，上菜又慢，過咗12:30開始多人，所以有少少亂！食完飯走嗰陣已經見到門口出邊排晒隊，好彩早D過嚟 ！😅