剪髮

之前疫情爆發嘅時候，髮型屋都唔俾開，原本話要停業兩個月，但係停咗一個月左右，又話可以開返！上次係過年前剪過頭髮，中間因為髪型屋冇開，唯有自己略為修剪，而家前後隔咗三個月，終於可以去剪髮，早兩個星期因為驚太多人，所以唔去住！約左今日去！

剪髮前先去食啲嘢，去咗The One嘅 Dazzling cafe ，依度啲食肆都好冷清，呢間餐廳都算比較多人，起碼有一半位有人！

望一望個餐牌，冇咗我最鍾意食嘅佛羅倫斯干貝意大利麵！唯有叫其他食，叫咗個青醬奶油雞腿意大利麵，雞腿切成左三件，應該唔足一隻雞腿🍗！😅 另外叫咗杯奶蓋烏龍茶，個奶蓋非常之濃厚！

食完野去剪頭髮，好快就九點，跟住去 DONKI 行吓，呢度好多人，要排長龍俾錢！🤦🏻‍♀️買完嘢又落去果欄買生果， 今次買咗奇異果🥝、提子、王林蘋果！原本想買榴槤，但係好多人！下次先買！