疫情下，冇晒飯局，今日晏晝去尖沙咀搵老細一齊飲杯咖啡☕️☕️，跟住就去採購，因為而家D店舖好早就閂門，收工係買唔到嘢，只有放假先至能夠一次過買晒日用品，不過今個禮拜疫情有所緩和，每日確診嘅數字都低於一萬 ，四位數已經覺得好好咁，好多人都走出街！原本想去果欄買水果，不過屋企仲有，上個禮拜買咗血橙、香蕉、波子青提，可以慢慢食足一個禮拜，最近D波子提子好大粒，而且價錢都好平，不過好大抽，買一抽隨時都三四磅！
夜晚喺屋企煮嘢食，前幾日喺抖音見到個無花果浸雞食譜，又學人地整下，材料好簡單，有石斛、無花果、北芪、紅棗，食譜冇講份量，就跟佢個圖咁上下數量去煮，將藥材煲半個鐘，然後放埋啲雞落去，煮熟之後就食得，我覺得個味道有D淡，可能我落得太多水，同埋無花果唔係好出到味，下次可能要試吓將無花果切開！等佢出味D！
夜晚喺屋企煮嘢食，前幾日喺抖音見到個無花果浸雞食譜，又學人地整下，材料好簡單，有石斛、無花果、北芪、紅棗，食譜冇講份量，就跟佢個圖咁上下數量去煮，將藥材煲半個鐘，然後放埋啲雞落去，煮熟之後就食得，我覺得個味道有D淡，可能我落得太多水，同埋無花果唔係好出到味，下次可能要試吓將無花果切開！等佢出味D！
沒有留言:
發佈留言