迪士尼尋夢奇緣

迪士尼又有新嘅表演項目，會員優先觀賞，有兩個日子俾人選擇，我就揀咗呢一日去，因為今日係會員日，所以全部都要登記攞手帶先入得去，我預約咗睇一點果場，今日晏咗少少起身，登記好晒行到入去城堡度，啱啱好仲有幾分鐘就開始，今日都唔算好熱，係天色有D暗，因為滿佈烏雲，今次歌舞表演有玩轉極樂園嘅Miguel ，風中奇緣寶嘉康蒂、魔雪奇緣嘅Elsa、同埋Moana，當然唔少得米奇米妮佢哋啦！廿分鐘表演好快完結，跟住四圍行吓，今日好多設施都冇開，想去玩Iron Man又冇開，Toy Story 都冇開，連泰山森林都冇開 🤦🏻‍♀️🤦🏻‍♀️🤦🏻‍♀️，而且好多商店都冇開，連小鎮大街嗰間周大福都冇開😅 反而今日買咗少少野，原本都想買件T恤，最後都冇買到！😅 見到 Luca 都出咗公仔 ，不過我就冇興趣買喇 😄