好友F 嘅生日又到啦，雖然過咗幾日，我哋都會同佢慶祝，我地約好咗分頭行事，我去買蛋糕🎂，佢哋指定要食Tony Wong 的士多啤梨拿破崙！好友K同老公、兩個仔去買餸，我地會合嘅時候先發覺壽星女唔見人，果然佢仲係屋企！🤦🏻♀️不過我地煮餸都要時間，所以由得佢遲少少到！
今晚整咗蒜蓉蒸開邊蝦、煎羊扒、蘆筍炒帶子、煎䱽魚、上湯焯皇帝菜！五個餸好似唔係好夠，所以我去接好友F嘅時候，順便買多盒手撕雞，飯後仲有蛋糕同水果，所以一定夠食！煮飯足足煮咗差不多四個鐘，餸唔多但係好好味，個個食到飽飽，清晒所有餸，一D都唔嘥！食完飯再切蛋糕，水果今次有香印、水蜜桃同埋車厘茄！今日飲咗支菠蘿酒同埋冰酒，一支蘋果汁同三罐大啤酒，傾偈傾咗成晚好開心！兩個細路嘈到不得了😅好彩時間尚早唔會俾人投訴！
沒有留言:
發佈留言