睇返在北海道影嘅相，好懷念上次在帶廣食果個豚肉丼，諗住上網睇吓佢有冇分店在日本其他地方，點知原來香港有分店！所以今次特登搭車去圓方試吓佢，去到見到個門口好熟口面，我估可能之前在圓方已經見過，只係當時冇去過帶廣，所以冇為意佢，定係因為佢個裝修同好多呢類食店一樣呢？
入到去睇吓個餐牌，覺得有D唔對路，同上次喺帶廣果間個風格好唔同，雖然佢都有豚肉丼，但係只係擺喺餐牌最後果幾頁，上次帶廣果間都有一品料理，不過我哋冇詳細睇，因為佢門口棟咗個牌，主要食豚肉丼，總之個餐牌就唔一樣，可能要適應香港嘅市場所以就餐牌又唔同，除咗豚肉丼，另外亦都叫咗個天婦羅紫蘇葉海膽，本來想叫個活帆立貝，但係佢話賣晒！另外仲叫咗杯梅酒！🥃
紫蘇海膽份量好細，一啖食完，豚肉丼個樣就好相似，不過味道就差好遠，雖然佢呢度話用北海道嘅豚肉，豚肉唔夠 juicy，有D韌，個汁亦都唔係果回事😔，在帶廣食 ¥980，呢度要 $145 ，貴左一倍！唯一係D飯都 ok ，同埋店員服務好好！下次可以試吓食其他嘢 ！
沒有留言:
發佈留言