又係睇宣傳廣告，介紹呢間新開嘅日式超市，雖然超市只有5000尺，不過有日式呢兩個字，就吸引咗好多人去睇，呢間超市在 H Zentre ，呢座大廈係新起好，就在中間道喜來登隔離，店入面其實唔係全部野都係日本嘢，不過大部份都係日本嘅，睇佢價錢都係略為貴咗D，有D產品驚安殿堂都有賣，而且價錢會平D！當然呢度唔會咁迫咁多人！店入面仲有一個小food court，只有兩家小店，一間係買米飯，另一間我唔記得咗去賣乜嘢！😅
我地都睇唔啱嘢，行咗一陣就走喇！見到呢個商場除咗地面呢一塵，上面仲有兩層，不過大部份係未開，甚至可能未租出，因為唔係裝修緊，上一層有一間電競運動館，話今日先至開張，我哋在門口巧遇一個朋友，大家傾咗陣間，呢個朋友因為趕時間就走咗！
沒有留言:
發佈留言