由大館落返中環，去返原本我地想去果間coffee shop，因為大家都想飲杯咖啡，雖然佢冇得坐，大家可以企喺度傾一陣計，店名係取自店主一對狗仔其中一隻個名，店主有兩隻柴犬，之前睇宣傳廣告，話有機會見到兩隻柴犬，不過我相信個機會好低，因為地方實在太細，睇返條宣傳片，先發覺條片一路影住D狗，所以睇唔到間店原來係咁細，雖然只有企位，但係企位最多企四個人！其實門口有一張木凳，不過有兩個店員自己坐咗，所以人客冇得坐！
我地叫咗杯Latte、Flat white、Cold brew，咖啡唔錯，不過店入面較熱，因為地方細，人又多（四個客、三個店員）加上我地有下場，所以好快走！
沒有留言:
發佈留言