今日相約好友 F & J 去食蒸海鮮，之前去過果間小漁港，上次係過年嘅時候，疫情開始爆發，隔咗幾個月再嚟，食物質素都保持到，食完嘢我哋去旺角食糖水，行吓行吓見到酒吧又想去飲嘢，最後去咗呢間，之前好似嚟過呢度附近幾間酒吧其中一間，因為幾間個格局差唔多，所以都唔知去過邊間，我哋一人叫咗一杯 cocktail ，一路傾偈一路食花生，食下食下，食咗三兜！我哋傾偈傾咗好耐，因為好耐冇三個一齊食飯，飲完野我哋去搭車，因為好友搬咗去上水之後，就唔可以一齊搭車，佢自己一個去搭火車，我哋兩個就搭的士返去，始終以前一齊住九龍方便好多，不過好友 F 啱啱先搬過去上水，簽咗一年租約，之後先至搬有機會搬返出九龍！
沒有留言:
發佈留言