星期二, 5月 12, 2020

鮨穴





















好友K生日,約咗我同好友J去銅鑼灣食飯,去咗呢間日本餐廳,之前我同好友J食過一次午餐,晚餐都係第一次嚟,我哋每人叫咗一個壽司set,再加左一D串燒,食物嘅質素都係保持到水準,因為好有J識人,所以請咗我哋飲 sake,我哋傾開計,講開好友F新屋情況,我冇同佢哋講太多,亦都冇話比佢哋聽,好友住咗兩個禮拜又要搬,亦都冇話俾佢地聽實際住喺邊,因為好友 F 唔想佢哋知咁多,始終分咗手,再見不是朋友!不過我亦都有埋怨好友K,如果唔係佢要佢前度咁快搬走,佢就唔使搬完又搬,仲要住D環境好差嘅屋,如果比多一個月時間佢搵屋,成件事就唔同晒!

食完飯我哋買咗兩個榴槤,去咗好友 K 屋企食,自從好友F 搬走咗之後,成間屋真係多咗好多空間,始終兩個人同一個人住係有分別,雜物都少D!加上好友帶走埋隻狗,唔會成屋狗毛飛來飛去!兩個榴槤一個好食,一個熟過頭唔好食,而家真係好難買到好好食嘅榴槤!











沒有留言:

星十五

食完飯行落加連威老道食甜品,好友話上次食過呢間嘅紅豆沙好食,去到要等位,見佢有一款用遠年紅陳皮做嘅紅豆沙,要買成七十幾八十幾元一碗,我哋就冇試到,食咗平啲嘅新會陳皮紅豆沙,大家都係叫咗雙拼嘅糖水,有新會陳皮紅豆沙配合桃露、芝麻糊配新會陳皮紅豆沙,芝麻糊配合桃露,老實講個賣相真係唔...