品味

之前去咗一次呢間台式食店，今日又再去，店入面嘅地方都幾大，不過人客真係好少，因為呢度食物嘅價錢都唔算話好平，今次去見到佢D餐平左，可能見到客流唔多，所以做D特價吸引人！叫咗個米蘭汁雞扒配黃薑飯，其實個米蘭汁係類似椰汁咁樣，配黃薑飯就好東南亞feel，味道都唔錯，其實呢間餐廳，應該係賣台式嘅食物，而家好似轉左有西餐咁，上次食過豬扒飯都係好台式嘅，而佢呢度用嘅牙籤都係好似鼎泰豐果種，塑膠質地入邊好似刷咁！所以問佢攞佢先至比一支你，可能好似鼎泰豐咁驚俾人攞晒，鼎泰豐都係一張枱擺兩、三支，呢度直情一支都唔擺，你問到先比，不過佢呢款牙籤又真係幾好用，但係搵唔到邊度有得賣！