雞翼山

成日搭車經過望到呢一間小店，之前有一次想去食，但係好多人，近排市道淡靜，今日雖然係星期六，但係冇乜人，所以就去試吓佢 !

店入面嘅地方係好細，有幾個座位，但係其實可以坐喺度食嘅，得一張枱，另外仲有一張枱係企喺度食，不過我諗佢主要都係做外賣多，其實成間店淨係賣雞翼都有得做，我見佢唔同款嘅雞翼，其實係個醬汁唔同，同埋佢係即做，將個醬汁撈落個雞翼果度煮，所以要稍為等一等，佢都有D飲品，但係選擇比較少，所以我覺得佢係做外賣比較多，落咗order都係等左幾分鐘就有得食，我揀咗文青風玫瑰雞翼，其實係蜜糖汁加咗玫瑰花瓣，個雞翼係預先炸左，所以唔係好熱，不過都微暖，味道都唔錯，蜜糖配雞翼都唔會差得去邊，如果佢可以熱D，雞翼再 juicy D 就更好，同埋佢企位果張枱都幾污糟，我見好多雞皮碎攝咗响枱邊，好明顯張枱好耐冇清潔！🤦🏻‍♀️