葉問的妻子去世後，和兒子相依為命，一天收到徒孫 Billy 送來的機票，是他徒弟李小龍希望他能夠前往美國看他的武術交流，原本不打算前往的葉問，因確診患了癌症，希望兒子能夠到美國讀書，所以前往美國，替兒子張羅，他到達美國後，卻因徒弟而被中華總會的會長拒絕協助.......！
來到第四集，亦都講明係完結篇，即係打埋呢一集就再冇葉問喇！個人認為打鬥場面好睇，特別係令人期待的畫面出現了，就係李小龍出手，動作指導好野！如果有睇過李小龍的紀錄片，都睇到戲中神還原當年的情景！陳國坤應該下了不少工夫去操練，雖然不及李小龍狠快，但已經非常出色，始終李小龍是無人能及的！劇情發展是意料中事，父子情的一段戲頗為令人動容，畢竟知道父親患上絕症，再也不會鬥氣！
今次去咗新開嘅英皇 iSquare 戲院睇戲，戲院在星期三先至開張，期待睇吓佢嘅IMAX同之前有咩唔同，不過而家上緊話嘅係Star Wars，所以興趣不大，遲啲想睇套戲先至去睇IMAX ！戲院嘅格局同以前差唔多，但係廁所就大左好多，以前個廁所得三格，經常大排長龍，而家大左一倍有多，真係值得一讚！而且見到佢小食部都幾多嘢食，不過我啱啱食完拉麵，所以冇買嘢食！下次可以睇戲食嘢一齊做！
沒有留言:
發佈留言