今日相約好友到我家食大閘蟹，收工之後一齊搭車，好友已經預早買咗大閘蟹放在家，他收工返屋企攞蟹攞車，然後過嚟接我，就一齊過去我屋企喇，上我屋企之前我地買多少少嘢食，首先買咗四份一隻滷水鵝，同埋一D串燒，買完之後返屋企，稍為洗一洗D蟹，就攞去蒸，我地四個人買咗九隻，可以一次過整晒，我地食住滷水鵝同埋串燒先，串燒都整得幾好味，滷水鵝嘅質素都唔差，出乎我意料之外，雖然兩間店都在我屋企樓下街市，但我從來未幫襯過，今次係第一次買，下次成班人食飯可以再考慮！食完串燒同埋滷水鵝，D蟹就啱啱好蒸完，先食咗D蟹乸，好多膏，不過我地唔記得影相，不過係蟹乸D膏比較硬身，而蟹公亦都好多膏，味道有D甘，但係好食過蟹乸，大家食到津津有味！
食完飯我地坐梳化傾吓計，佢地因為第一次嚟我屋企，對我屋企好有興趣，尤其是見到有個紫水晶洞，我亦都不忘介紹佢地另外兩個紫水晶洞，同埋我好鍾意嘅手串，佢地都好好奇，我都有一段時間冇乜點戴D水晶，最近又想戴，不過有一D橡筋已經斷咗，要重新穿過先可以戴返，搵日得閒先至喺屋企慢慢穿！
沒有留言:
發佈留言