今朝想飲咖啡，因為要影証件相，飲杯咖啡去水腫！
上網 search 搵下旺角區有乜嘢咖啡店，見到呢間個名好特別，所以過去睇吓，去到呢條街見到都D食店，有D都幾新，呢間都係好新，入到去見坐位唔多，眼見大約有十幾個位，每個人入嚟店員都會問幾多位，然後安排坐位，餐牌寫在黑板上，另外有一個餐牌放在枱面，係飲品餐牌，黑板上嘅係食物餐牌，呢度係自助形式，要自己埋去 counter 點餐，餐具自己攞，水自己斟，只有捧餐係有店員去做，我叫咗個沙律同埋一杯 Latte，沙律係煙鴨胸無花果紅菜頭沙律，沙律係配黑醋同埋橄欖油，個黑人醋比較酸，可能我食開陳醋，所以覺得呢個黑醋係一個敗筆，破壞左原本呢個沙律嘅鮮味，咖啡嘅味道都 ok！
食緊嘢嘅時候，一路都有客入嚟，好明顯好多人係未黎過，都係問咁上下嘅問題，雖然佢門口有個牌寫住自助形式，但係個個入嚟嘅時候都唔係好肯定！聽店員同食客講仲有樓上一層，不過好似係要坐地下，滿坐之後，要在門外面等，今日天氣咁熱在出邊等都幾辛苦，不過店入面地方有限，亦都好難企喺鋪頭入邊等！整體來說，呢度嘅食物同咖啡都不過不失，不過店員就比較冷漠，可能因為係自助形式，所以好似快餐店咁，你自己搞掂唔好煩我！
沒有留言:
發佈留言