晚上約了另一班好友食飯，去咗大圍食潮州嘢，其實我地之前都嚟過呢間，大家都好掛住佢果條烏頭，所以上次食飯嘅時候，已經約定左今日去食，一如以往啦，總有人甩底 ..... 我哋叫咗條烏頭、豉椒炒鵝腸、韭菜豬紅、鹹菜豬肚湯等等，條烏頭真係無得輸，好好食，條鵝腸好粗身，而且都幾肥，平時食果D鵝腸冇咁粗，個豉椒都好好味！食得非常之飽！甜品方面，我哋都叫咗冰鎮菠蘿，同埋一個唔記得叫做乜嘢金銀條，其實係芋頭同埋番薯淋咗個糖漿，有D似反沙芋，只不過係糖漿，呢個正正係老媽子，在以前成日整嘅糖漿芋頭！好好味！
食完飯傾開計，講開好友 Howard 早前入咗醫院嘅事，佢地前兩日去探過佢，話佢情況好差，可能過唔到呢個禮拜，我聽完之後好擔心，決定聽日去探佢！
沒有留言:
發佈留言