尋晚已經3號風球，都幾風平浪靜，同埋天文台預計改掛8號嘅機會好低，點知今日突然間又話兩點前會掛8號，雖然8號風球，但係天氣唔算太惡劣，而且個風掛得好急，所以兩點幾果陣仲有車搭，商場同街市都仲未收，可以去買餸，我就去街市買咗豬扒返去煎，因為時間尚早，可以醃咗D豬扒，等今晚先至食，有幾個鐘頭時間冇乜嘢好做，就睇吓碟，睇咗千與千尋，因為下星期要去吉卜力，所以溫下書先！睇完戲早少少食飯，就煎左D豬扒，味道都唔錯！可能醃嘅時間夠耐，上次好友在我家作客，六個人食三塊豬扒，今次我一個人食四塊 ，不過冇其他餸食！只係食埋水果，所以都好飽，無端端多咗半日假，可以係屋企Hea下！幾舒服！
沒有留言:
發佈留言