炑八韓烤

今日約咗好友去銅鑼灣食韓燒，記得早兩年去過尖沙咀分店，味道覺得一般，不過朋友想食，所以去食，我地叫咗個套餐，有豬腩肉、幾款唔同嘅牛肉部位、八爪魚、兩大塊白鱔、海鮮煎蛋餅、仲有個湯，味道比上一次好，個白鱔係由店員負責燒，燒得幾好食，佢可以燒到個魚皮脆脆地，魚肉啱啱好熟，如果自己燒一定做唔到咁好，上次冇食過呢個，今次食過覺得唔錯！

好友帶埋佢個女嚟，不過小朋友顧住玩電話，仲要坐姿好搞笑，不過影合照果陣時佢唔肯同我地影，所以只係偷偷影咗佢打機個樣，好搞笑！